LEXO PA REKLAMA!

SHKARKO APP

E fundit!

x

Thirrja e nënës së Navalny-t për Putin-in: Më ktheni trupin e djalit

20 Shkurt 2024, 14:26, Kosova & Bota CNA

Thirrja e nënës së Navalny-t për Putin-in: Më ktheni

Nëna e Alexei Navalny-t, kritikut të Putin-it që vdiq në një burg rus, i ka bërë thirrje presidentit Vladimir Putin që të t'i rikthejë trupin e tij.

Në një video të filmuar jashtë burgut ku ai vdiq të premten, ajo tha se po përpiqej ta shihte turpin për pesë ditë, por as nuk e dinte se ku ishte.

“Kam pesë ditë që nuk mund ta shoh, po refuzojnë të ma japin trupin e tij dhe as që thonë se ku është”, thotë ajo.

Ndërkohë edhe gruaja e Navalny-t, Julia, u kërkoi autoriteteve të mos i ndalonin të dashurit e tij që t'i thonë lamtumirë.

Familjes i është thënë se trupi i tij nuk do të lirohet për dy javë. Nuk ka asnjë konfirmim për vendndodhjen e trupit nga autoritetet ruse, ndërsa përpjekjet për gjetjen e tij janë mbyllur vazhdimisht.

Yulia Navalnaya ka pretenduar se trupi i burrit të saj po mbahej derisa gjurmët e helmimit nga agjenti nervor Novichok të jenë zhdukur. 

Navalny i mbijetoi një përpjekjeje për ta vrarë duke përdorur helmin në vitin 2020.
Zëdhënësi i Kremlinit, Dmitry Peskov, i quajti akuzat "të pabaza dhe vulgare", por shtoi se meqenëse zonja Navalnaya ishte e ve vetëm disa ditë më parë, ai nuk do të komentonte më tej./CNA 

 

Lajmet e fundit nga