web counter
LEXO PA REKLAMA!

SHKARKO APP

App Store
Google Play

E fundit!

x

Kremlini hedh poshtë akuzat e gruas së Navalny-t: Absolutisht të pabaza

20 Shkurt 2024, 13:33, Kosova & Bota CNA
Kremlini hedh poshtë akuzat e gruas së Navalny-t: Absolutisht të
Vladimir Putin

Zëdhënësi i Kremlinit, Dmitry Peskov, ka hedhur poshtë akuzat e familjarëve të Alexei Navalny-t, të cilët akuzojnë presidentin rus, Vladimir Putin, se eliminoi opozitarin rus. 

Në videon e publikuar të hënën, Yulia Navalnaya akuzoi Putin-in për vrasjen e burrit të saj në burgun e largët të Artikut dhe pretendoi se refuzimi i zyrtarëve për t'ia dorëzuar trupin nënës së tij është pjesë e një fshehjeje të së vërtetës. 

"Ata po e fshehin trupin e tij poshtërsisht, frikacakë, duke refuzuar t'ia japin nënës së tij dhe duke gënjyer mjerisht ndërsa presin që të zhduket gjurma e helmit", tha Yulia Navalnaya. Ajo sugjeroi se burri i saj mund të ishte vrarë me një agjent nervor të stilit Novichok.

Autoritetet ruse thanë se shkaku i vdekjes së Navalny-t të premten është ende i panjohur dhe rezultatet e çdo hetimi ka të ngjarë të vihen në dyshim. Shumë udhëheqës perëndimorë kanë thënë tashmë se e konsiderojnë Putin-in përgjegjës për vdekjen.

“Këto janë absolutisht akuza të pabaza, të pafytyra për kreun e shtetit rus”, tha zëdhënësi i Kremlinit, Dmitry Peskov.

Vdekja e Navalny-t e ka privuar opozitën ruse nga politikani i saj më i njohur dhe frymëzues më pak se një muaj para zgjedhjeve që është e sigurt se do t'i japin Putin-it edhe gjashtë vjet në pushtet.

Navalny, 47 vjeç, ishte i burgosur që nga janari 2021, kur u kthye në Moskë pasi u shërua në Gjermani nga një helmim me agjent nervor për të cilin fajësoi Kremlinin. Ai mori tri dënime me burg që nga arrestimi i tij, për një sërë akuzash që ai i ka hedhur poshtë si të motivuara politikisht.

Josep Borrell, shefi i politikës së jashtme të Bashkimit Evropian, bëri thirrje të hënën për një hetim ndërkombëtar për vdekjen e Navalny-t, por Peskov tha se Kremlini nuk do të pranonte asnjë kërkesë të tillë./CNA 

 





Lajmet e fundit nga