web counter
LEXO PA REKLAMA!

SHKARKO APP

App Store
Google Play

E fundit!

x

Familjarët marrin lajme për trupin e Navalny-t/ Kur do t'u dorëzohet

20 Shkurt 2024, 09:17, Kosova & Bota CNA
Familjarët marrin lajme për trupin e Navalny-t/ Kur do t'u
Aleksei Navalny

Familja dhe mbështetësit e Aleksei Navalny-t, kanë vazhduar të kërkojnë trupin e opozitarit rus që ndërroi jetë në burg të premten.

Më në fund familjarët e Navalny-t kanë marrë lajme për trupin e të ndjerit.

Një përfaqësues i ekipit të Navalny-t ka njoftuar nënën e kritikut të Kremlinit se trupi po mbahet për “analiza kimike” dhe do të dërgohet pranë tyre pas dy javësh.

Vendndodhja e trupit të Navalny-t nuk është bërë e ditur nga autoritetet ruse, ndërsa përpjekjet për ta gjetur atë janë ndaluar.

Yulia Navalnaya, e veja e liderit opozitar rus, ka ngritur akuza se bashkëshorti i saj është vrarë me urdhër të presidentit Vladimir Putin.

Yulia Navalnaya ka ngritur pretendimet se autoritetet ruse po e fshehin trupin e tij, pasi po presin që të zhdukin gjurmët e agjentit nervor Noviçok.

Ajo ka paralajmëruar se do të vazhdojë luftën e burrit të saj për një Rusi të lirë, dhe u ka bërë thirrje mbështetësve që të sfidojnë presidentin rus, Vladimir Putin me forcë më të madhe se kurrë.

Edhe Perëndimi ka akuzuar shtetin rus me në krye Putin-in për vrasjen e tij.

Navanlny ka qenë i dënuar me më shumë se 19 vjet burgim për akuza që ai dhe mbështetësit e tij i kanë konsideruar të motivuara politikisht.

Ai u helmua në vitin 2020 me agjent nervor Noviçok dhe atëherë fajësoi shtetin rus.

Navalny u shërua në Gjermani dhe pas helmimit, në ditën e kthimit në Rusi, u dërgua në burg./ CNA

 





Lajmet e fundit nga