web counter
LEXO PA REKLAMA!

SHKARKO APP

App Store
Google Play

E fundit!

x

Tensionet në veri të Kosovës/ Kurti: Demokracia nuk mund të mbahet peng

30 Maj 2023, 19:32, Kosova & Bota CNA
Tensionet në veri të Kosovës/ Kurti: Demokracia nuk mund të
Kryeministri i Kosovës, Albin Kurti

Kryeministri i Kosovës, Albin Kurti ka reaguar në lidhje me tensionet në veri të Kosovës, ku protestuesit serbë janë përplasur me ushtarët e KFOR-it dhe kanë sulmuar mediat.

Në një deklaratë, Kurti shprehu mbështetje të plotë institucionale për kryetarët e rinj të komunave veriore, teksa tha se “demokracia nuk mund të pezullohet, e as të mbahet peng”.

Përsa i përket kërkesave të ndërkombëtarëve për tu tërhequr, kryeministri i Kosovës u shpreh i vendosur të mos e bëjë këtë, ndonëse theksoi se po vijon komunikimin.

“Orëve të fundit, institucionet tona kanë shtuar edhe më shumë komunikimin me partnerët ndërkombëtarë, sepse qetësimin e situatës e kemi qëllim të përbashkët”, theksoi Kurti, ndërsa u ndal edhe te dhuna e ushtruar ndaj KFOR-it.

“Dje na u dëshmua përfundimisht dhe të gjithëve, se kë kemi përballë: grupe të së djathtës ekstreme me maska, që vandalizojnë, sulmojnë, djegin çdo gjë që nuk e konsiderojnë serbe, e që lartësojnë simbole nacionaliste dhe shoviniste, si kryqi me katër S-ja dhe Z-ja e agresionit rus në Ukrainë.

Të tillë janë kriminelët multi-milionerë si Milan Radojçiç e Zvonko Veselinoviç. Ata janë pronarë të mëdhenj të bizneseve e të kontrabandës, që i kushtëzojnë punëtorët e varfër të tyre, të dalin në protesta të dhunshme. Në fakt, kjo është mënyra e vetë shefave të tyre urdhërdhënës në Beograd ndaj administratës publike: mënyra e Aleksandër Vuçiç, Aleksandar Vulin dhe Ivica Daçiç”, tha kryeministri i Kosovës.

Kurti deklaroi se protestat e organizuara gjatë dy ditëve të fundit nuk ishin paqësore; nuk ishin për komunën, por ishin protesta “për pushtet”.

Ai nënvizoi se pushteti mund të merret vetëm përmes zgjedhjeve, jo me dhunë dhe krim./ CNA.al





Lajmet e fundit nga