web counter
LEXO PA REKLAMA!

SHKARKO APP

App Store
Google Play

E fundit!

x

Të shtëna me armë pranë një sinagoge, 4 të vrarë!

10 Maj 2023, 14:10, Kosova & Bota CNA

Të shtëna me armë pranë një sinagoge, 4 të

Dy vizitorë dhe dy roje të sigurisë janë vrarë nga një sulmues pranë sinagogës më të vjetër në Afrikë, në ishullin Xherba të Tunizisë. Sulmi ndodhi gjatë një pelegrinazhi vjetor në këtë ishull, që mbledh vizitorë hebrenj nga Evropa dhe Izraeli.

Një roje besohet se ka qëlluar partnerin e tij para se të hapte zjarr ndaj vizitorëve dhe forcave të sigurisë që ishin pranë sinagogës dhe më pas ka vrarë veten. Motivet e të shtënave janë ende të paqarta. Një prej vizitorëve të vrarë ishte shtetas francez. Edhe katër vizitorë të tjerë dhe pesë anëtarë të forcave të sigurisë janë plagosur. Nuk është e qartë nëse vizitorët ishin pelegrinë që po vizitonin sinagogën Griba. Në disa video të publikuara "online" shihen vizitorë duke ikur teksa dëgjohen të shtënat.

Mbi 5.000 hebrenj kishin marrë pjesë më 2022-shin në pelegrinazhin në sinagogën Griba, ka raportuar "AFP", duke u thirrur në të dhënat e organizatorëve lokalë. Nuk është hera e parë që sinagoga e vjetër 2.500 vjet është cak i sulmeve. Një sulm me bombë më 2002-shin, përgjegjësinë e të cilit e morën militantët e Al-Kaidës, la të vrarë mbi 20 persona në këtë ishull.

 





Lajmet e fundit nga