web counter
LEXO PA REKLAMA!

SHKARKO APP

App Store
Google Play

E fundit!

x

U godit nga raketa/ Gazetari francez humb jetën teksa po raportonte në Ukrainë

10 Maj 2023, 10:28, Kosova & Bota CNA

U godit nga raketa/ Gazetari francez humb jetën teksa po raportonte në

Një gazetar francez 32-vjeçar është vrarë teksa raportonte nga zona e luftës në Ukrainën lindore.

Arman Soldin, i cili punonte për agjencinë e lajmeve "AFP", u vra të martën pasi u godit nga raketa pranë Chasiv Yar, në perëndim të Bakhmut.

Një ekip gazetarësh u sulmua rreth orës 16:30 (13:30 GMT) ndërsa ishte me një grup ushtarësh ukrainas.

Presidenti francez, Emmanuel Macron, bëri homazhe për punën e Soldin në vijën e parë të luftës.

“Ne ndajmë dhimbjen me familjarët dhe kolegët e tij”, ka shkruar ai në një postim në "Twitter".

Shefi i "AFP"-së, Fabrice Fries, u shpreh se Agjencia e Lajmeve ishte në pikëllim nga vdekja e Soldin për të cilin tha se përballej çdo ditë me rrezikun gjatë raportimit të tij në Ukrainë.

Drejtoresha e Agjencisë për Evropën, Christine Buhagiar, e kujtoi Soldin si “entuziast, energjik dhe trim” dhe tha se ai ishte shumë i përkushtuar për profesionin e tij.

Gazetari Soldin ishte pjesë e ekipit të parë të "AFP"-së që shkoi në Ukrainë pas pushtimit të Rusisë në shkurt të vitit të kaluar dhe kishte jetuar atje që nga shtatori.

Ministria e Mbrojtjes e Ukrainës shprehu ngushëllimet për familjen dhe kolegët e Soldin duke thënë: Ai ia kushtoi jetën informimit të botës për të vërtetën. Trashëgimia e tij, si dhe kauza e tij, do të jetojë.

Soldin, i cili është me origjinë nga Bosnja është gazetari i 15-të që vritet ndërsa raportonte për luftën në Ukrainë që nga shkurti i vitit 2022.





Lajmet e fundit nga