web counter
LEXO PA REKLAMA!

SHKARKO APP

App Store
Google Play

E fundit!

x

Të paktën katër të vrarë pas sulmit rus në Lviv

6 Korrik 2023, 08:00, Kosova & Bota CNA

Të paktën katër të vrarë pas sulmit rus në Lviv

Të paktën katër persona janë vrarë pas një sulmi me raketë të kryer nga Rusia në qytetin ukrainas të Lvivit.

Ekipet e shpëtimit po kërkojnë nën rrënojat e një ndërtese banimi për të mbijetuar dhe viktima të tjera, thanë autoritetet.

Në këtë sulm, sipas Ministrisë së Brendshme të Ukrainës janë plagosur edhe nëntë persona. Në njoftim u tha se sulmi me raketë ka shkatërruar dy katet e sipërme të një ndërtese banimi.

Kryetari i Lvivit, Andriy Sadovyi, tha se rreth 60 banesa dhe 50 makina në zonën ku u krye sulmi janë dëmtuar.

Përmes një video-mesazhi, Sadovyi tha se ky ishte sulmi më i madh ndaj infrastrukturës civile në Lviv, që kur Rusia nisi pushtimin e paprovokuar të Ukrainës shkurtin e vitit të kaluar.

Presidenti ukrainas, Volodymyr Zelensky, tha përmes "Telegram"-it se “fatkeqësisht ka të vdekur dhe të plagosur. Patjetër që do të ketë një përgjigje për armikun. Do të jetë një përgjigje e qartë”.

Zelensky po ashtu ka publikuar pamje me dronë të dëmeve të shkaktuara nga ky sulm.

Qindra mijëra ukrainas, që janë larguar nga shtëpitë e tyre nga zonat në lindje dhe pjesë të tjera të shtetit, janë strehuar në Lviv.

Lviv gjendet në perëndim të Ukrainës, rreth 70 kilometra larg kufirit me Poloninë./ Rel





Lajmet e fundit nga