web counter
LEXO PA REKLAMA!

SHKARKO APP

App Store
Google Play

E fundit!

x

Kokainë, në Shtëpinë e Bardhë/ Shërbimet sekrete nisin hetimet

5 Korrik 2023, 12:09, Kosova & Bota CNA

Kokainë, në Shtëpinë e Bardhë/ Shërbimet sekrete

Shërbimi Sekret Amerikan ka nisur hetimet për zbulimin e një sasie kokaine në Shtëpinë e Bardhë.

Duke marrë shkas nga kjo ngjarje e pazakontë shërbimet sekrete kanë boshatisur krahun perëndimor të godinës ku ndodhet Zyra Ovale por edhe zyra të tjera pune.

Agjentët e Shërbimit Sekret kanë gjetur sasinë e pluhurit të dyshuar si kokainë ndërsa bënin një inspektim rutinë.

Presidenti Joe Biden dhe familja e tij ishin në Camp David në Maryland në atë kohë.

Një zyrtar i lartë i zbatimit të ligjit i tha partnerit amerikan të BBC-së, se substanca u gjet në një strukturë magazinimi të përdorur në mënyrë rutinore nga stafi i Shtëpisë së Bardhë dhe të ftuarit për të ruajtur telefonat celularë.

Kompleksi i Shtëpisë së Bardhë është mbyllur si masë paraprake.

Një test paraprak, i cili u raportua fillimisht nga Ëashington Post, më vonë konfirmoi se ishte kokainë.

Shërbimi Sekret do të udhëheqë hetimet për të mësuar se si substanca hyri në Shtëpinë e Bardhë. Ata thanë se kamerat dhe hyrje-dalje në atë zonë do të ekzaminohen për të përcaktuar se kush kishte akses në vendin ku u gjet lënda narkotike.

Krahu Perëndimor është një pjesë e madhe me shumë nivele e Shtëpisë së Bardhë që përmban zyrën e presidentit të Shteteve të Bashkuara, duke përfshirë Zyrën Ovale dhe Dhomën e Situatave.

Ai strehon gjithashtu zyrën e zëvendëspresidentit, shefit të stafit të Shtëpisë së Bardhë, sekretarit të shtypit dhe qindra punonjësve të tjerë që kanë akses.





Lajmet e fundit nga