web counter
LEXO PA REKLAMA!

SHKARKO APP

App Store
Google Play

E fundit!

x

Gjermania do të blejë 60 helikopterë amerikanë Chinook

5 Korrik 2023, 20:03, Kosova & Bota CNA

Gjermania do të blejë 60 helikopterë amerikanë Chinook

Gjermania do të blejë 60 helikopterë të tipit Chinook, të prodhuara nga kompania amerikane Boeing, thanë të mërkurën për agjencinë e lajmeve Reuters dy anëtarë të komisionit parlamentar gjerman për buxhetin. Blerja në fjalë kap shifrën rreth 8 miliardë euro dhe përfshin edhe infrastrukturën e nevojshme për helikopterin. Ata thanë se komisioni e kishte marrë vendimin për blerjen.

Sipas informacioneve të mëparshme, shuma përfshin prokurimin e helikopterëve të rëndë CH-47 për 6.27 miliardë euro, 700 milionë euro për mirëmbajtjen, 240 milionë euro për kontratat kombëtare dhe 750 milionë euro për infrastrukturën.

Një vit më parë, Gjermania tha se kishte në plan të blinte 60 helikopterë të rëndë të tipit Chinook nga firma amerikane Boeing për të zëvendësuar flotën e saj të vjetër CH-53.

Në shkurt të vitit 2022, pas fillimit të agresionit rus ndaj Ukrainës, Kancelari gjerman Olaf Scholz vendosi të rrisë ndjeshëm shpenzimet e mbrojtjes, mes të tjerash duke caktuar 100 miliardë euro për ushtrinë gjermane./ VOA





Lajmet e fundit nga