web counter
LEXO PA REKLAMA!

SHKARKO APP

App Store
Google Play

E fundit!

x

Takimi Lajçak-Kurti/ Diskutime për hapa të mëtejshëm pas marrëveshjes në Ohër

11 Maj 2023, 09:51, Kosova & Bota CNA

Takimi Lajçak-Kurti/ Diskutime për hapa të mëtejshëm

Përfaqësuesi i Posaçëm i BE-së për dialogun Kosovë-Serbi, Miroslav Lajçak, ka folur për mediat pas takimit me kryeministrin e Kosovës Albin Kurti.

Lajçak është shprehur se ka diskutuar me Kurtin në lidhje me hapat e mëtejshëm në kuadër të marrëveshjes së Ohrit.

 “Kam ardhur në Prishtinë sot për të diskutuar me Kurtin dhe Bislimin për rrugën përpara në rrugën e normalizimit.

Është shumë me rëndësi që ne ta kemi një kuptim të qartë për hapat e mëtejshëm. Ne kemi pasur një diskutim shumë të rëndësishëm dhe do ta kemi të njëjtin diskutim në Beograd.

Ne e kemi marrëveshjen, e kemi aneksin dhe tani është shumë me rëndësi që ta kemi të qartë për hapin 1, 2 dhe 3", u shpreh Lajçak.

Gjithashtu ka zbuluar se do të vizitojë veriun e Kosovës për të parë nga afër situatën.

“Këtë mbrëmje do të shkoj në veri, dua që të kuptoj situatën dhe shpresoj që do të ketë një zgjidhje politike që do të na mundësojë ta zbatojmë plotësisht marrëveshjen.

Ne mund të kemi normalizim ose konfrontim dhe ne definitivisht duam të fokusohemi në normalizim. Konflikti nuk është në interesin e askujt.

Ne diskutuam rreth asaj se si BE-ja e sheh procesin e draft-statutit dhe mendoj se kemi një kuptim të procesit”, tha Lajçak./ CNA.al





Lajmet e fundit nga