web counter
LEXO PA REKLAMA!

SHKARKO APP

App Store
Google Play

"Situata të zgjidhet nëpërmjet dialogut"/ Sanchez bën thirrje për një zgjidhje pa ndërhyrje të jashtme në Venezuelë

4 Janar 2026, 22:02, Kosova & Bota CNA

"Situata të zgjidhet nëpërmjet dialogut"/ Sanchez

Pesë qeveri të majta në Amerikën Latine, Brazili, Kili, Kolumbia, Meksika, Uruguai, dhe Spanja, kanë lëshuar sot një deklaratë të përbashkët ku kundërshtuan çdo përpjekje për të kontrolluar Venezuelën, një ditë pas operacionit ushtarak amerikan që çoi në arrestimin e Maduros.

Gjashtë vendet shprehën shqetësim për stabilitetin rajonal pas sulmeve ajrore të ushtrisë amerikane dhe arrestimit presidentit Nicolas Maduro dhe Zonjës së Parë Celia Flores, të cilët u transferuan në SHBA dhe pritet të dalin në gjyq të hënën në Nju Jork me akuzat për "narkoterrorizëm".

Kryeministri spanjoll Pedro Sanchez tha në një postim se “situata në Venezuelë duhet të zgjidhet ekskluzivisht me mjete paqësore, nëpërmjet dialogut, negociatave dhe respektimit të vullnetit të popullit venezuelian në të gjitha shprehjet e tij, pa ndërhyrje të jashtme dhe në përputhje me të drejtën ndërkombëtare”.

Ai vuri në dukje se qeveria e Spanjës, së bashku me qeveritë e Brazilit, Kilit, Kolumbisë, Uruguait dhe Meksikës, shprehin shqetësimin për ngjarjet që kanë ndodhur në Venezuelë dhe postoi një link për deklaratën e përbashkët.

"Shprehim shqetësimin tonë kundër çdo përpjekjeje për kontroll qeveritar, administrim ose pronësi të jashtme të burimeve natyrore ose strategjike të Venezuelës”, thuhet në deklaratën e lëshuar nga Ministria e Jashtme kolumbiane.

Presidenti i SHBA-së, Donald Trump, tha të shtunën se do t'u lejonte kompanive amerikane të naftës të shfrytëzonin burimet e naftës së Venezuelës, e cila mban 17% të rezervave botërore të naftës bruto. /CNA





Lajmet e fundit nga