Harta e Groenlandës e mbuluar me flamurin amerikan/ Postimi që shkaktoi reagimin e ambasadorit danez në SHBA

4 Janar 2026, 17:26, Kosova & Bota CNA

Harta e Groenlandës e mbuluar me flamurin amerikan/ Postimi që

Ambasadori i Danimarkës në Shtetet e Bashkuara të Amerikës ka bërë sot thirrje që të respektohet integriteti territorial i Groenlandës.

Thirrja e ambasadorit vjen pas një postimi në platformën “X” nga gruaja e zëvendësshefit të stafit të Shtëpisë së Bardhë, Stephen Miller, e cila postoi një foto të hartës së Groenlandës të mbuluar me ngjyrat e flamurit amerikan. Katie Miller e shoqëroi foton me mbishkrimin: "SË SHPEJTI".

SOON pic.twitter.com/XU6VmZxph3
— Katie Miller (@KatieMiller) January 3, 2026

“Një kujtesë miqësore për Shtetet e Bashkuara dhe Mbretërinë e Danimarkës: ne jemi aleatë të ngushtë dhe duhet të vazhdojmë të punojmë së bashku si të tillë”, tha ambasadori danez në Shtetet e Bashkuara, Jesper Moller Sorensen, në përgjigje të postimit në “X” të Katie Miller.

“Dhe po, ne presim respekt absolut për integritetin territorial të Mbretërisë së Danimarkës”, shtoi më tej ai.

Just a friendly reminder about the US and the Kingdom of Denmark: We are close allies and should continue to work together as such. US security is also Greenland’s and Denmark’s security. Greenland is already part of NATO. The Kingdom of Denmark and the United States work… https://t.co/CboKnlKgJL
— Jesper Møller Sørensen ???????? (@DKambUSA) January 4, 2026

Presidenti i SHBA-së, Donald Trump, ka deklaruar disa herë se Groenlanda, një territor danez me autonomi të gjerë, duhet të bëhet pjesë e Shteteve të Bashkuara, duke përmendur arsye sigurie dhe interes në burimet minerale të ishullit.

Groenlanda dhe Danimarka i kanë hedhur poshtë pretendimet e Trump. Tensionet midis dy vendeve u përshkallëzuan pas vendimit të Trump në fund të dhjetorit për të emëruar guvernatorin e Luizianës, Jeff Landry, si të dërguar special në Grenlandë. /CNA