web counter
LEXO PA REKLAMA!

SHKARKO APP

App Store
Google Play

S’ka marrëveshje për dinarin në Bruksel

25 Mars 2024, 16:23, Kosova & Bota CNA
S’ka marrëveshje për dinarin në Bruksel
Besnik Bislimi,


Kryenegociatori i Kosovës, Besnik Bislimi ka deklaruar se ka nevojë edhe për një takim shtesë për çështjen e dinarit serb, pas takimit të sotëm që zhvilloi me kryenegociatorin e Serbisë, Petar Petkoviç nën ndërmjetësimin e Bashkimit Evropian. 

“Mendimi im është se këto propozime ende janë shumë larg njëra-tjetrës. Ne tentuam të afroheshim, por si duket ka nevojë për një takim shtesë, ndoshta Lajçak do të ofrojë që ai të mbahet javën e ardhshme”, tha Bislimi.

Ai theksoi se gjatë takimit në Bruksel, të ndërmjetësuar nga i dërguari i BE-së për dialogun Kosovë-Serbi, Kosova ka paraqitur dy propozime, por nuk dëshiroi që të shpalosë detaje.

“Ne kemi dy propozime. Ne e dimë se cili është fokusi i secilës palë, por në këtë pikë do të dëmtonte më shumë procesin nëse ne vazhdojmë të paraqesim detajet e dy propozimeve”, u shpreh ai.

Fillimisht, më herët gjatë ditës, u zhvillua një takim trepalësh mes kryenegociatorit të Kosovës, Besnik Bislimi, dhe atij të Serbisë, Petar Petkoviç, nën ndërmjetësimin e të dërguarit të BE-së për dialogun, Mirosllav Lajçak. Më pas, Lajçak zhvilloi takime dypalëshe me dy delegacionet./CNA 

 





Lajmet e fundit nga