web counter
LEXO PA REKLAMA!

SHKARKO APP

App Store
Google Play

E fundit!

x

Shokuese në ekuador/ Ekzekutohet kryebashkiakja dhe një këshilltar i saj

24 Mars 2024, 22:04, Kosova & Bota CNA
Shokuese në ekuador/ Ekzekutohet kryebashkiakja dhe një
Brigitte Garcia

Brigitte Garcia, kryebashkiakja e qytetit bregdetar të San Vicentes, në Ekuador, u ekzekutua këtë të dielë, sipas policisë ekuadoriane. Ajo është zyrtarja e fundit e zgjedhur që u vra në Ekuador.

Garcia u vra në mes të gjendjes së jashtëzakonshme të shpallur nga qeveria e Daniel Noboa për të luftuar bandat kriminale.

Kryebashkiaku Brigitte Garcia, së bashku me një anëtar tjetër të qeverisë lokale të San Vicente, që ndodhet në provincën e Manabi në rajonin lindor të vendit, u qëlluan për vdekje. Sipas policisë ekuadoriane, të dy trupat u gjetën të pajeta brenda një automjeti, teksa ishin qëlluar me armë zjarri.

Shokuese në ekuador/ Ekzekutohet kryebashkiakja dhe një

Policia po heton në vendngjarje dhe po punon për nxjerrjen e sa më shumë provave. Brigitte Garcia ishte një politikane e re 27-vjeçare, anëtare e partisë Revolucioni Qytetar, me ideologji socialiste. Ish-presidenti Rafael Correa ishte lider në parti.

Lufta kundër trafikut të drogës

Ekuadori po lufton me bandat e armatosura, të cilat janë të angazhuara në trafikun e drogës dhe veprojnë kryesisht në bregdetin e Paqësorit të vendit. Në këtë rajon, banda të ndryshme po luftojnë me qeverinë për kontrollin e qytetit të Guayaquil.

Shokuese në ekuador/ Ekzekutohet kryebashkiakja dhe një

Që nga janari 2024, pas arratisjes së liderit të bandës Los Choneros, Presidenti Daniel Noboa shpalli gjendjen e jashtëzakonshme dhe kërkoi ndihmën e Forcave të Armatosura të Ekuadorit për të ndihmuar në zbatimin e ligjit, në luftimin e bandave të armatosura.

Strategjia e tij krahasohet me atë të Nayib Bukele në El Salvador. Ndërsa qeveria arriti të zbusë përkohësisht ndikimin e dhunës së bandave, ka pasur një rritje të dukshme të dhunës që synonte zyrtarët e zgjedhur. Pak muaj më parë u pushkatua edhe kryebashkiaku i një qyteti tjetër bregdetar, Mantës./ CNA





Lajmet e fundit nga