web counter
LEXO PA REKLAMA!

SHKARKO APP

App Store
Google Play

E fundit!

x

Kongresi miraton buxhetin prej 1.2 trilionë dollarësh/ Shmanget mbyllja e pjesshme e qeverisë

23 Mars 2024, 15:30, Kosova & Bota CNA

Kongresi miraton buxhetin prej 1.2 trilionë dollarësh/ Shmanget

Kongresi amerikan miratoi në orët e para të së shtunës një projektligj për buxhetin e shtetit që kap shumë prej 1.2 trilionë dollarësh dhe ia dërgoi Presidentit Joe Biden për ta nënshkruar atë në ligj. Buxheti do të financojë qeverinë amerikane për vitin fiskal që filloi gjashtë muaj më parë dhe do të shmangë një mbyllje të pjesshme të saj. Projektligji u miratua me 74 vota pro dhe 24 kundër.

Agjencitë kryesore federale, përfshirë Departamentin e Sigurisë Kombëtare, Departamentin e Drejtësisë, Departamentin e Shtetit dhe Thesarin, që përfshin agjencinë e tatimeve, do të financohen deri më 30 shtator pas miratimit të masës në Senatin me shumicë demokrate.

Dhoma e Përfaqësuesve, e kontrolluar nga republikanët, miratoi të premten një projektligj prej 1.2 trilionë dollarësh për të financuar qeverinë deri në shtator, duke i lënë Senatit me shumicë demokratike orë të tëra për të vepruar përpara skadimit të afatit.

Votimi 286-134 sinjalizoi fundin e një beteje më shumë se gjashtëmujore mbi buxhetin për vitin fiskal që filloi më 1 tetor.

Por lëvizja e Kryetarit republikan të Dhomës së Përfaqësuesve, Mike Johnson, i cili anashkaloi anëtarët e vijës së ashpër të grupit të tij parlamentar, duke e miratuar projektligjin me më shumë mbështetje të ligjvënësve demokratë sesa atyre republikanë, zemëroi ligjvënësen Marjorie Taylor Greene, e cila bëri thirrje për rrëzimin e tij nga posti i kryetarit.

Kjo mund të shkaktojë një përsëritje të skenave të fillimit të tetorit, kur një grup i vogël republikanësh të linjës së ashpër të zemëruar që paraardhësi i zotit Johnson, Kevin McCarthy, kishte miratuar një buxhet të përkohshëm pavarësisht nga kundërshtimet e tyre, e rrëzuan atë nga posti i Kryetarit të Dhomës së Përfaqësuesve./ VOA





Lajmet e fundit nga