web counter
LEXO PA REKLAMA!

SHKARKO APP

App Store
Google Play

E fundit!

x

Rusia ngre gishtin nga Ukraina për sulmin në Moskë

23 Mars 2024, 10:48, Kosova & Bota CNA
Rusia ngre gishtin nga Ukraina për sulmin në Moskë
Foto nga sulmi në periferi të Moskës

Katër agresorët, të cilët u arrestuan në rajonin e Bryansk për sulmin e së premtes, "kishin ndërmend të kalonin në Ukrainë" dhe kishin "kontakte me palën ukrainase", ka thënë agjencia ruse e sigurisë, sipas agjencisë shtetërore ruse të lajmeve "Ria Novosti".

Mediat perëndimore raportojnë se pritej gjerësisht që Rusia do të përpiqej të lidhte Ukrainën me sulmin, dhe pretendimi i FSB-së në këtë fazë nuk mund të verifikohet në mënyrë të pavarur.

Mykhailo Podolyak, një këshilltar i presidentit ukrainas Volodymyr Zelensky mohoi kategorikisht përfshirjen e Ukrainës, duke thënë se vendi i tij nuk kishte "absolutisht asnjë lidhje me këto ngjarje".

Ndërkohë, Interpoli është i gatshëm të ofrojë mbështetje në hetimin e sulmit terrorist në "Crocus City Hall", tha Sekretari i Përgjithshëm i organizatës Jurgen Stock në rrjetin social "X".

"Unë dënoj fuqishëm sulmin në bashkinë e Crocus, i cili ishte një akt i tmerrshëm kundër civilëve të pafajshëm. Mendimet tona janë me viktimat, familjet dhe miqtë e tyre. Interpoli është i gatshëm të ofrojë mbështetje për hetimin e kryer nga autoritetet ruse", u shpreh ai.

Numri i viktimave nga sulmi në Moskë është rritur duke shkuar në të paktën 93. Më shumë se 140 të tjerë u plagosën në Bashkinë e Crocus, sipas Shërbimit Federal të Sigurisë FSB. Sulmi është marrë përsipër nga Shteti Islamik./CNA 

 





Lajmet e fundit nga