web counter
LEXO PA REKLAMA!

SHKARKO APP

App Store
Google Play

E fundit!

x

Kate Middleton diagnostikohet me kancer

22 Mars 2024, 19:25, Kosova & Bota CNA

Kate Middleton diagnostikohet me kancer

Princesha e Uellsit, Kate Middleton, në një videomesazh, ka bërë me dije se po lufton me kancerin.

Në një deklaratë video, Catherine thotë se ishte një shok i madh dhe ka kaluar 2 muaj mjaft të vështirë.

 “Jam mirë dhe po forcohem çdo ditë e më shumë”, shprehet ajo në videomesazh.

Detajet e sëmundjes nuk janë bërë të ditura, por Kensington Palace thotë se ka besim se princesha do të shërohet plotësisht.

Deklarata e princeshës shpjegon se kur ajo iu nënshtrua një ndërhyrjeje në janar, nuk dihej nëse kishte kancer.

"Testet pas operacionit zbuluan se kanceri ishte i pranishëm. Prandaj ekipi im mjekësor më këshilloi që duhet t'i nënshtrohesha kimioterapisë parandaluese dhe tani jam në fazat e hershme të këtij trajtimi," tha princesha.

Ajo tha se po mendonte për të gjithë ata që janë prekur nga kanceri, duke shtuar: "Për të gjithë ata që përballen me këtë sëmundje, në çfarëdo forme qofshin, ju lutem mos e humbni besimin apo shpresën. Nuk jeni vetëm".

Catherine tha se rikuperimi nga operacioni i saj në janar, për një gjendje që nuk është zbuluar, kishte marrë kohë dhe prioriteti tani ishte të qetësonte familjen e saj.

"William dhe unë kemi bërë gjithçka që mundemi për ta përpunuar dhe menaxhuar këtë privatisht për hir të familjes sonë." Princesha shtoi: "Na ka marrë kohë për t'u shpjeguar gjithçka George, Charlotte dhe Louis në një mënyrë që është e përshtatshme për ta dhe për t'i siguruar ata se do të jem mirë."

Ajo tha se familja tani ka nevojë për kohë, hapësirë ??dhe privatësi./ CNA





Lajmet e fundit nga