web counter
LEXO PA REKLAMA!

SHKARKO APP

App Store
Google Play

Situata e tensionuar në veri të Kosovës/ Ambasada e SHBA në Beograd dhe Prishtinë thirrje për përmbajtje maksimale

11 Dhjetor 2022, 20:10, Kosova & Bota CNA
Situata e tensionuar në veri të Kosovës/ Ambasada e SHBA në
Foto ilustruese

Ambasada e Shteteve të Bashkuara të Amerikës në Beograd dhe Prishtinë  kanë reaguar me anë të një deklarate për situatën e tensionuar në veri të Kosovës.

Të dy institucionet kanë dënuar fuqishëm të gjitha sulmet ndaj agjencive të sigurisë kosovare dhe ndërkombëtare.

Ajo ndër të tjera i ka bërë thirrje të gjithëve që të ushtrojnë përmbajtje maksimale, të marrin masa të menjëhershme për të arritur  në qetësimin e situates.

“Shtetet e Bashkuara shprehin shqetësimin e tyre të thellë për situatën aktuale në veri të Kosovës. Ne e kuptojmë se autoritetet kosovare kanë arrestuar një individ të dyshuar për përfshirje në një sulm të dhunshëm ndaj autoriteteve kosovare të zbatimit të ligjit dhe komisionit zgjedhor. Ky arrestim po përdoret si justifikim për bllokime të paligjshme të rrugëve si dhe kërcënime dhe frikësime ndaj autoriteteve kosovare dhe popullatës lokale.

Ata që ngritën postblloqe të paligjshme duhet t'i çmontojnë ato menjëherë. Ne presim që t'i jepet fund të gjitha kërcënimeve të dhunës dhe frikësimit. Ne shprehim vlerësimin dhe mbështetjen tonë të plotë për Forcën e NATO-s në Kosovë (KFOR) për përpjekjet e saj për të garantuar sigurinë dhe lirinë e lëvizjes dhe për Misionin e Bashkimit Evropian për Sundimin e Ligjit (EULEX). Ne i dënojmë fuqishëm si të papranueshme të gjitha sulmet ndaj agjencive të sigurisë kosovare dhe ndërkombëtare.

I bëjmë thirrje të gjithëve që të ushtrojnë përmbajtje maksimale, të marrin masa të menjëhershme për të arritur një de-përshkallëzimin e situatës dhe të përmbahen nga aktet provokuese. Ne i nxisim palët të punojnë në kuadër të Dialogut të lehtësuar nga BE-ja për të zgjidhur çështjet shqetësuese”, shkruhet në deklaratë./ CNA.al





Lajmet e fundit nga