web counter
LEXO PA REKLAMA!

SHKARKO APP

App Store
Google Play

E fundit!

x

Shpërthim i madh në Rusi/ Raportohet për 30 viktima

15 Gusht 2023, 09:36, Kosova & Bota CNA

Shpërthim i madh në Rusi/ Raportohet për 30 viktima

Të paktën 30 njerëz kanë vdekur dhe qindra të tjerë janë lënduar nga një shpërthim i madh në një pompë të karburanteve në republikën jugore të Rusisë, Dagestan, njoftuan zyrtarët rusë të martën.

Ministria e Emergjencave e Rusisë (MER) tha më 15 gusht se 150 njerëz janë lënduar në përgjithësi.

Tre prej të vdekurve ishin fëmijë, tha guvernatori i Dagestanit, Sergei Melikov.

Shpërthimi ndodhi të hënën në mbrëmje në periferi të Makhachkala, kryeqytetin e këtij rajoni. Zjarri nisi në një dyqan për rregullimin e automjeteve dhe u shpërnda te pompa e afërt e karburanteve, duke nxitur një shpërthim të madh, raportoi agjencia ruse e lajme, "RIA Novosti", duke e cituar MER-in. Zjarri nga shpërthimi i madh kaploi një hapësirë prej 600 metrave katrorë, sipas MER-it.

Disa prej të lënduarve do të dërgohen me helikopter në Moskë për trajtim mjekësor.

Autoritetet ruse kanë nisur një hetim kriminal ndaj këtij rasti.

Familjet e viktimave do të marrin nga rreth 10 mijë dollarë secila, sipas autoriteteve në Dagestan, ndërsa ato të të lënduarve nga dy deri në katër mijë dollarë.

Dagestani e ka shpallur ditë zie të martën.

Në një vend tjetër në Rusi, në perëndim të Siberisë, një shpërthim tjetër i vrau dy persona dhe i lëndoi pesë të tjerë të hënën mbrëma. Shpërthimi ndodhi në një minierë nafte në rajonin Khanty-Mansiysk, sipas autoriteteve lokale.





Lajmet e fundit nga