web counter
LEXO PA REKLAMA!

SHKARKO APP

App Store
Google Play

“Shembull në mbajtjen ndezur të besimit”/ Papa Leo shpall 7 shenjtorë të rinj

19 Tetor 2025, 17:00, Kosova & Bota CNA

“Shembull në mbajtjen ndezur të besimit”/ Papa Leo shpall

Papa Leo XIV shpalli këtë të diel shtatë shenjtorë të rinj, gjatë meshës së përjavshme në Vatikan.

Këmbanat ranë në Sheshin e Shën Pjetrit për ceremoninë, në të cilën ai shenjtëroi ish-priftinokultist, Bartolo Longo, së bashku me një katekist laik nga Papua Guinea e Re, një kryepeshkop të vrarë në gjenocidin armen, një mjek të të varfërve venezuelian dhe tre murgesha që ia kushtuan jetën e tyre të varfërve dhe të sëmurëve.

Midis tyre janë Ignatius Choukrallah Maloyan, Peter To Rot, Vincenza Maria Poloni, Maria del Monte Carmelo Rendiles Martínez, Maria Troncatti, José Gregorio Hernández Cisneros dhe Bartolo Longo.

“Sot kemi para nesh shtatë dëshmitarë, Shenjtorët e rinj, të cilët, me hirin e Zotit, e mbajtën ndezur llambën e besimit. Ndërmjetësimi i tyre le të na ndihmojë në sprovat tona dhe shembulli i tyre le të na frymëzojë në thirrjen tonë të përbashkët për shenjtëri”,- tha Papa Leo.

Kanonizimi i këtyre shenjtorëve do të jetë i dyti për papën me origjinë amerikane, që kur u bë udhëheqës i Kishës Katolike më 8 maj.

Muajin e kaluar, Papa shpalli shenjtorë italianët Carlo Acutis, një adoleshent i quajtur "Ndikuesi i Zotit" i cili përhapi besimin në internet para se të ndërronte jete  në moshën 15 vjeçare në vitin 2006 dhe Pier Giorgio Frassati, i konsideruar si një model i bamirësisë, i cili  u nda nga jeta në vitin 1925, në moshën 24 vjeç./CNA





Lajmet e fundit nga