web counter
LEXO PA REKLAMA!

SHKARKO APP

App Store
Google Play

E fundit!

x

Operacioni në Zubin Potok dhe Zveçan/ Prokuroria Speciale dhe Policia japin detaje

19 Tetor 2025, 15:37, Kosova & Bota CNA
Operacioni në Zubin Potok dhe Zveçan/ Prokuroria Speciale dhe
Pamje nga operacioni në zubin potok dhe zveçan

Prokuroria Speciale dhe Policia e Kosovës kanë dalë me një deklaratë të përbashkët për shtyp lidhur me operacionin e zhvilluar sot në komunën e Zubin Potokut dhe të Zveçanit.

Në njoftim thuhet se operacioni është zhvilluar në kuadër të një hetimi lidhur me vrasjen e një zyrtari të EULEX. Bëhet me dije se janë kryer bastisje në dy lokacione në Zveçan dhe në shtatë lokacione në Zubin Potok. Gjithashtu janë shoqëruar shtatë persona, të cilët pas intervistimit janë liruar.

Ndërkohë autoritetet kanë gjetur dhe dhe sekuestruar në cilësinë e provës materiale: dy armë, municion, veshje me përmbajtje nacionaliste, dylbi, dokumente, pajisje elektronike të ndryshme etj.

Deklarata e përbashkët nga Prokuroria Speciale dhe Policia e Kosovës: 

Prishtinë, 19 Tetor 2025 – Në bazë të urdhrit të lëshuar nga Gjykata Themelore në Prishtinë dhe nën udhëhejqen e Prokurorisë Speciale në bashkëpunim me Policinë, është zhvilluar një operacion policor në Komunën e Zubin Potokut dhe të Zveçanit, në kuadër të një hetimi lidhur me vrasjen e zyrtarit të Misionit të Bashkimit Evropian për Sundim të Ligjit në Kosovë ( EULEX) A.S., me qëllim të verifikimit të informatave dhe identifikimit të mundshëm të provave relevante.

Hetuesit policorë nga Drejtoria për Hetimin e Krimit të Organizuar dhe Krimeve të Rënda, kanë kryer bastisje në dy (2) lokacione në Zveçan dhe në shtatë (7) lokacione në Zubin Potok, nën dyshimin për kryerjen e veprave penale:

- Rrezikimin e personelit të Kombeve të Bashkuara ose personelit në marrëdhënie me to;

- Vrasje të Rëndë;

- Sulm ndaj personit zyrtarë gjatë kryerjes së detyrës zyrtare.

Gjatë operacionit, i cili është mbështetur edhe nga njësi të tjera relevante të Policisë së Kosovës, janë shoqëruar në Polici shtatë ( 7 ) persona, dhe pas intervistimit janë liruar në procedurë të rregullt.

Ndërsa, gjatë zbatimit të urdhërit për bastisje, si një hap i rëndësishëm procedural në kuadër të një hetimi që është ende në zhvillim, janë gjetur dhe sekuestruar prova materiale sikurse: dy armë, municion, veshje me përmbajtje nacionaliste, dylbi, dokumente, pajisje elektronike të ndryshme etj.

Prokuroria Speciale dhe Policia e Kosovës, ritheksojnë përkushtimin në luftën kundër krimit të organizuar dhe sjelljen para drejtësisë të atyre që cënojnë sigurinë, ligjin dhe rendin në Republikën e Kosovës. /CNA

 




Lajmet e fundit nga