E fundit!

12:56 Aktualitet

VIDEO/ Rama i kritikon, kryebashkiakët ia plasin të qeshurës

Kryeministri Edi Rama ka kritikuar ditën e sotme gjatë zhv...

Shefja e BE-së Ursula von der Leyen, vizitë në Kiev

11 Qershor 2022, 15:44, Kosova & Bota CNA

Shefja e BE-së Ursula von der Leyen, vizitë në Kiev

Presidentja e Komisionit Europian, Ursula von der Leyen, në Kiev

Presidentja e Komisionit Europian, Ursula von der Leyen, ndodhet në Kiev të shtunën për një takim me presidentin e Ukrainës Volodimir Zelenski për të diskutuar mbi çështje të rindërtimit të vendit dhe përparimin drejt anëtarësimit në Bashkimin Europian.

"Do të bëj vlerësimin e punës së përbashkët të nevojshme për rindërtimin dhe përparimin e bërë nga Ukraina në rrugën e saj europiane", shkruante ajo në një postim në "Twitter".

Të shtunën Zelensi tha se vendi i tij “do të triumfojë me patjetër në luftën e nisur nga Rusia”. Ai i bëri komentet nga një vendndodhje në Kiev, që nuk u bë i ditur.

Në një fjalim drejtuar pjesmarrëve në takimin e sigurisë që mbahet në Singapor, zoti Zelenski tha se Ukraina po has vështirësi në furnizimin me produkte ushqimore për shkak të konfliktit dhe se disa pjesë të botës po përballen me “një krizë akute e të rëndë ushqimore si dhe uri”, për shkak të bllokadës ruse.

Të premten, presidenti Joe Biden këmbënguli se zbulimi amerikan u përpoq ta paralajmëronte Ukrainën për rrezikun e afërt të një sulmi rus, por zoti Zelenski sikurse ai tha, "nuk ia vuri veshin”.

Zoti Biden i bëri komentet gjatë takimi për mbledhje fondesh në Los Anxhelos, ku foli për punën e bërë nga administrata e tij për të forcuar mbështetjen ndaj Ukrainës ndërsa lufta vazhdon.

Megjithëse zoti Zelenski ka frymëzuar shumë njerëz me rolin e tij udhëheqës gjatë luftës, përgatitja e tij për sulmin apo mungesa e një gjëje të tillë, ka mbetur një çështje e diskutueshme.

Në javët para fillimit të luftës, më 24 shkurt, zoti Zelenski kritikoi publikisht paralajmërimet amerikane për një sulm të mundshëm rus, duke thënë se ato po dëmtonin ekonominë e brishtë të Ukrainës.

Tashmë zyrtarët ukrainas janë gjithnjë e më të shqetësuar nga ajo që e quajnë lodhje nga lufta e Perëndimit.

Ata druhen se Rusia mund të përfitojë nga kjo për të ushtruar trysni ndaj Ukrainës për kompromis, diçka së cilës presidenti ukrainas Volodimir Zelenski i ka rezistuar, duke thënë se Kievi do t’u qëndrojë kushteve të veta për paqen./ VOA