web counter
LEXO PA REKLAMA!

SHKARKO APP

App Store
Google Play

E fundit!

x

Deklarata për Kosovën, reagon deputetja gjermane: Vuçiç na ka mashtruar, të ngrijnë negociatat e anëtarësimit në BE

10 Qershor 2022, 22:17, Kosova & Bota CNA
Deklarata për Kosovën, reagon deputetja gjermane: Vuçiç
Deputetja gjermane, Renata Alt

Kryetarja e Komisionit për të Drejtat e Njeriut dhe Ndihmën Humanitare në Bundestagun gjerman, deputetja e Partisë Liberale Gjermane (FDP) Renata Alt, ka reaguar pas deklaratës së Presidentit serb Aleksandar Vuçiç në lidhje me njohjen e Kosovës.

Në Twitter deputetja e Partisë Liberale Gjermane (FDP) Renata Alt është shprehur se, “Reagimi i Presidentit të Serbisë gjatë konferencës për media mbi kërkesën për njohje të Kosovës është skandaloz. Negociatat e anëtarësimit në Bashkimin Evropian me Republikën e Serbisë duhet të ngrijnë. Aleksandar Vuçiç na paska mashtruar për një kohë të gjatë”, ka shkruar Alt.

Vuçiç, në konferencën e sotme për shtyp, pas takimit me kancelarin gjerman, Olaf Scholz, deklaroi se sot për herë të parë ka dëgjuar se po kërkohet njohje reciproke me Kosovën, duke thënë se “këtë nuk e kemi dëgjuar nga Evropa deri më tani”.

“Ne sot dëgjuam se po kërkohet njohja reciproke. Ne kurrë më herët nuk kemi dëgjuar nga askush nga Evropa se po kërkohet njohje reciproke. Këtë e dëgjuam sot në konferencën për gazetarë në Prishtinë”, tha Vuçiç.

Kancelari gjerman, Olaf Scholz sot në konferencën për media pas takimit me kryeministrin Albin Kurti tha se Kosova dhe Serbia duhet të angazhohen në dialog, duke kërkuar kështu nga të dyja palët zotim të qartë, konstruktivitet dhe pragmatizëm.

Scholz theksoi se dialogu është shumë i rëndësishëm dhe se marrëveshja politike ndërmjet Kosovës dhe Serbisë duhet të zgjidh edhe çështjen e njohjes së Kosovës./CNA.al

Deklarata për Kosovën, reagon deputetja gjermane: Vuçiç





Lajmet e fundit nga