web counter
LEXO PA REKLAMA!

SHKARKO APP

App Store
Google Play

E fundit!

x

Rritje çmimesh në Kosovë/ Ndryshime në disa kategori kryesore të konsumit

20 Shkurt 2025, 18:55, Kosova & Bota CNA

Rritje çmimesh në Kosovë/ Ndryshime në disa kategori

Viti 2025 ka nisur me rritje çmimesh për qytetarët e Kosovës.

Sipas Agjencisë së Statistikave të Kosovës, çmimet e konsumit janë ngritur prej 1,5 për qind në muajin janar 2025, krahasuar me muajin janar të vitit të kaluar. Derisa, norma e inflacionit mujor ishte 0,7 për qind në muajin janar 2025.

Sipas Agjencisë, rritja e çmimeve është ndikuar kryesisht nga disa kategori kryesore të konsumit.

Në krahasim me dhjetorin 2024, çmimet janë rritur më së shumti te perimet, energjia elektrike, duhani, karburantet dhe lubrifikantët për pajisjet e transportit personal, kafeja, çaji dhe kakao, si dhe produktet e tjera ushqimore si mishi dhe pemët.

“Kjo kryesisht është shpjeguar me ngritjen e çmimeve të konsumit: perimet 5,2%, energjia elektrike 2,8%, duhani 2,5%, karburantet dhe lubrifikantët për pajisjet e transportit personal 2,3%, kafja, çaji dhe kakao 1,9%, mishi 1,8%, pemët 1,7%, lëndët djegëse të ngurta, dru zjarri, pelet etj. 1,0% dhe qumështi, djathi dhe vezët (0,6%) dhe me një ndikim të përbashkët të këtyre nëngrupeve prej 0,8 për qind në IHÇK-it", thuhet në raportin e ASK-së.

Në krahasim me janarin e vitit të kaluar, çmimet janë rritur ndjeshëm për disa kategori të mallrave dhe shërbimeve.

Ndër produktet dhe shërbimet me rritjen më të lartë të çmimeve janë kafeja, çaji dhe kakao, vajrat, si dhe shërbimet për transportin personal.

Gjithashtu, çmime më të larta janë regjistruar për pijet joalkoolike, gazetat dhe materialet për zyra, shërbimet financiare, mishi dhe produktet e qumështit.

“Kjo kryesisht është shpjeguar me ngritjen e çmimeve të konsumit: kafja, çaji dhe kakao 14,6%, vajrat dhe yndyrat 8,3%, shërbime të tjera në lidhje me pajisjet personale të transportit 7,6%, uji mineral, pijet joalkoolike, lëngjet nga pemët dhe perimet 6,1%, gazetat, librat dhe materialet për zyra 5,4%, shërbimet financiare 5,2%, qelqurinat, takëmet dhe mjetet e kuzhinës 5,1%, mishi 4,6%, mallrat dhe shërbimet për mirëmbajtjen e zakonshme të ekonomisë shtëpiake 4,0%, pijet alkoolike 3,9%, qumështi, djathi dhe vezët 3,0%, veshje 2,9%, duhani 2,9%, perimet 2,5%, kujdesi personal 2,5%, buka dhe drithërat 2,1% dhe shërbimet hoteliere 2,1% me një ndikim të përbashkët të këtyre nëngrupeve prej 2,1 për qind në IHÇK-it",-thuhet në raport./CNA 

 

 





Lajmet e fundit nga