web counter
LEXO PA REKLAMA!

SHKARKO APP

App Store
Google Play

E fundit!

x

Rivali i Erdoganit: Të gjithë emigrantët do t’i dërgoj në shtëpi

18 Maj 2023, 14:03, Kosova & Bota CNA

Rivali i Erdoganit: Të gjithë emigrantët do t’i dërgoj

Lideri i opozitës turke, Kemal Kilicdaroglu, është zotuar të enjten se do t’i kthejë nëpër vendet e tyre miliona emigrantë, në rast se fiton në balotazhin e 28 majit.

Ai është në garë me presidentin aktual, Recep Tayyip Erdogan.

Këto janë deklaratat e para të tij, prej mbajtjes së zgjedhjeve më 14 maj, kur janë mbajtur zgjedhjet parlamentare dhe presidenciale.

Në raundin e parë, asnjëri kandidat nuk ka arritur të fitojë mbi 50 për qind të votave për pozitën e presidentit. Megjithatë, performanca e Kilicdaroglut ka qenë më e mira e një kandidati opozitar, përgjatë dy dekadave të fundit.

Kilicdaroglu, 74-vjeçar, ka folur të enjten në favor të votuesve të krahut të djathtë.

Ai, po ashtu, pritet të takohet edhe me Sinan Oganin – figurë e të djathtës ekstreme, i cili i ka fituar 5.2 për qind të votave, në garën për president.

Të enjten, ai ka folur me ton më të ashpër, sesa në fazën e parë të fushatës.

“Erdogan, ju nuk i keni mbrojtur kufijtë dhe nderin e shtetit”, ka thënë Kilicdaroglu, ish-shërbyes civil.

“Ju keni sjellë me qëllim mbi 10 milionë refugjatë në këtë shtet. Sapo të jem në pushtet, do t’i dërgoj të gjithë në shtëpi”.

Ogan ka thënë se ai do të mbështesë vetëm kandidatin që merret me çështjen e emigrantëve dhe e lufton “terrorizmin” – referencë në Turqi për militantët kurdë./ Radio Europa e Lirë

 





Lajmet e fundit nga