web counter
LEXO PA REKLAMA!

SHKARKO APP

App Store
Google Play

Lajçak: Në Bruksel u diskutua për zbatimin e marrëveshjes, dialogu vazhdon

16 Maj 2023, 10:15, Kosova & Bota CNA

Lajçak: Në Bruksel u diskutua për zbatimin e marrëveshjes,

Përfaqësuesi i Bashkimit Evropian për dialogun ndërmjet Beogradit dhe Prishtinës, Miroslav Lajçak, tha se raundi i ri i dialogut me kryenegociatorët Petar Petkoviq dhe Besnik Bislimi është fokusuar në zbatimin e marrëveshjeve të arritura dhe se bisedimet do të vazhdojnë.

"Ne diskutuam rrugën e mëtejshme të zbatimit të Marrëveshjes nga 27 shkurti dhe synuam të qartësojmë çështjet e hapura. Diskutimet do të vazhdojnë," shkroi Lajçak në "Twitter". Pas takimeve të djeshme në Bruksel, Petkoviq dhe Bislimi kanë bërë të ditur se nuk është bërë asnjë përparim.

Petkoviq ka thënë se situata është e vështirë sa i përket dialogut dhe se sjellja e kryenegociatorit të Prishtinës, Besnik Bislimi ka qenë “skandaloze”.

Pas takimit trepalësh me kryenegociatorin e Prishtinës, Besnik Bislimi, me ndërmjetësimin e përfaqësuesit të BE-së për dialog, Miroslav Lajçak, tha se Beogradi ka ardhur në takim i përgatitur, me ekspertë dhe propozime, të gjitha materialet.

“Ndryshe nga Bislimi që erdhi i vetëm dhe që kur duhej të diskutonte për çështje të rëndësishme, si formimi i ZSO-së, liria e lëvizjes, çështjet që kanë të bëjnë me jetën, dhunën institucionale të Kurtit”, tha Petkoviq.

Përfaqësuesi i posaçëm i BE-së para takimit trepalësh Petkoviq-Bislimi me Lajçakun ka zhvilluar takime të ndara me dy negociatorët.

Ishte takimi i parë i negociatorëve kryesorë pas takimit të presidentit serb Aleksandar Vuçiç dhe kryeministrit të Kosovës, Albin Kurti, në Bruksel më 2 maj. Në atë takim u miratua Deklarata për Personat e Zhdukur dhe Ekipi Menaxhues Serb prezantoi draftin e parë të statutit të Asociacionit të Komunave Serbe.





Lajmet e fundit nga