web counter
LEXO PA REKLAMA!

SHKARKO APP

App Store
Google Play

E fundit!

x

Rihapet katedralja “Notre-Dame”/ 5 vite në restaurim, kambanat do të bien përsëri në Paris

29 Nëntor 2024, 14:27, Kosova & Bota CNA
Rihapet katedralja “Notre-Dame”/ 5 vite në restaurim, kambanat
Foto ilustruese e marrë nga "BBC"

Katedralja "Notre Dame" në Paris do të rihapet pas 5 vitesh në restaurim.

Presidenti francez Emmanuel Macron ka vijuar inspektimet për punën e e rindërtimit, në turin e tij të fundit në kantier.

Një ditë pas zjarrit të prillit 2019 që shkatërroi majën dhe çatinë, Macron u zotua se "ne do ta rindërtojmë katedralen që të jetë edhe më e bukur dhe unë dua që ajo të përfundojë brenda pesë viteve".

Ndërsa pjesa e brendshme do të jetë gati për të pritur vizitorët dhe besimtarët më 8 dhjetor për herë të parë që nga viti 2019, skelat në bazën e majës së saporestauruar do të qëndrojnë në vitin 2025 dhe për tri vjet të tjera në anën lindore të monumentit, Philippe Jost (Filipe Xhost), shkruajnë mediat e huaja. 

Zjarri dhe rindërtimi e kthyen katedralen në një zonë të ndaluar për publikun dhe la një boshllëk në zemër të Parisit për shumë vendas.

Rreth 140 milionë euro fonde të pashpenzuara mbeten në buxhetin e rindërtimit, një tregues i shkallës së punës që mbetet për t'u përfunduar. Ende nuk janë hequr skelat dhe zona nuk është e pastruar nga betoni.

Janë dashur 5 vite për të rindërtuar Notre-Dame, pas zjarrit që e shkatërroi.

Në të vërtetë, ka qenë një kantier ndërtimi prej vitesh madje edhe para zjarrit. Skelat ishin vendosur tashmë në vitin 2019 për një përpjekje të mëparshme restaurimi që nuk ishte përfunduar për shkak të zjarrit të 15 prillit./ CNA





Lajmet e fundit nga