web counter
LEXO PA REKLAMA!

SHKARKO APP

App Store
Google Play

Rasti ndaj Thaçit dhe 4 të tjerëve për pengim të drejtësisë/ Flet dëshmitari i parë i Prokurorisë

27 Shkurt 2026, 16:05, Kosova & Bota CNA

 Rasti ndaj Thaçit dhe 4 të tjerëve për pengim të

Ditën e sotme në Gjykatën Speciale në Hagë janë mbajtur deklaratat hyrëse në gjykimin ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit.

Pas përfundimit të deklaratave hyrëse në gjykatë ka nisur dëshminë dëshmitari i parë i Prokurorisë në rastin për pengimin e drejtësisë. Identiteti i tij nuk bëhet publik dhe ai do njihet si dëshmitari 07.

Sipas REL, gjykata është siguruar që, me qëllim që të mos i zbulohet identiteti, t'ia ndryshoi edhe zërin. Menjëherë pas betimit, Prokuroria nisi pyetjet për dëshmitarin dhe punimet kaluan në seancë private.

Të pesë të akuzuarit në rastin për pengim të drejtësisë janë shprehur se janë të pafajshëm. Aktakuza pretendon se për disa muaj gjatë vitit 2023 ata kanë ndikuar në çështjen gjyqësore ndaj Thaçit, dhe tre ish-eprorëve të tjerë të Ushtrisë Çlirimtare të Kosovës për krime lufte dhe krime kundër njerëzimit. /CNA





Lajmet e fundit nga