web counter
LEXO PA REKLAMA!

SHKARKO APP

App Store
Google Play

"Të merren në pyetje Trump, Rubio dhe Bondi"/ Detaje nga dëshmia e Hillary Clinton për rastin “Epstein”

26 Shkurt 2026, 19:05, Kosova & Bota CNA

"Të merren në pyetje Trump, Rubio dhe Bondi"/ Detaje nga

Ish-Sekretarja Amerikane e Shtetit, Hillary Clinton po jep sot dëshminë me dyer të mbyllura para Komitetit Mbikëqyrës të Dhomës së Përfaqësuesve, në kuadër të hetimit për autorin e krimeve seksuale, Jeffrey Epstein.

Në deklaratatën e saj, Clinton ka bërë thirrje që presidenti Donald Trump të dëshmojë po ashtu para komitetit për rastin Epstein. Përveç Trump, ajo ka kërkuar që të merren në pyetje edhe Sekretari aktual i Shtetit, Marco Rubio, dhe Prokurorja e Përgjithshme, Pam Bondi.

"Prokurorët në Florida dhe Nju Jork duhet të pyeten gjithashtu pse i dhanë Epsteinit një marrëveshje dhe pse nuk ndoqën të tjerët që mund të kenë qenë të përfshirë", thotë Clinton, një referencë sipas BBC për komentet e bëra nga miliarderi i teknologjisë Elon Musk në një email të vitit 2012 drejtuar Epsteinit, publikuar në dosje.

Dëshmia e së enjtes në Chappaqua, New York, është pjesë e një betejë politike midis Klintonëve dhe republikanëve, të cilët insistojnë se dëshmia e ish-sekretares Clinton është kyçe për hetimin, ndërsa demokratët e konsiderojnë fokusin mbi të dhe bashkëshortin e saj, Bill Clinton, si një manovër politike.

Clinton ka deklaruar se nuk ka takuar kurrë Epsteinin personalisht dhe ka ndërvepruar vetëm disa herë me ish-bashkëpunëtoren e tij, Ghislaine Maxwell, duke theksuar se ajo dhe bashkëshorti i saj kanë pranuar të bashkëpunojnë në mënyrë të drejtë dhe transparente. /CNA





Lajmet e fundit nga