web counter
LEXO PA REKLAMA!

SHKARKO APP

App Store
Google Play

E fundit!

x

Qëndrimi i BE-së/ Kallas: Nuk do ta njohim aneksimin e Krimesë nga Rusia në asnjë rrethanë

1 Maj 2025, 11:08, Kosova & Bota CNA

Qëndrimi i BE-së/ Kallas: Nuk do ta njohim aneksimin e Krimesë

Bashkimi Europian nuk do ta njohë aneksimin e Krimesë nga Rusia në asnjë rrethanë, tha diplomatja më e lartë e BE-së, Kaja Kallas, në një intervistë me "Financial Times".

Komentet e saj vijnë mes shqetësimit në rritje se administrata amerikane po i kërkon Ukrainës që të pranojë një marrëveshje paqeje që kërkon lëshime dhe hap rrugën për lidhje të rinovuara me Rusinë.

Më parë u raportua se plani i paqes i sugjeruar nga presidenti i SHBA-së, përfshinte njohjen 'de jure' të kontrollit të Rusisë mbi Krimenë, së bashku me njohjen 'de facto' të pushtimit të territoreve të tjera ukrainase. Ai gjithashtu parashikonte heqjen e sanksioneve të vendosura ndaj Rusisë që nga viti 2014.

"Nga ana europiane, ne e kemi thënë këtë vazhdimisht. Krimea është Ukrainë. Por ne nuk mund të flasim në emër të Amerikës, sigursht, dhe çfarë do të bëjnë ata", - tha Kallas.

Kallas tha se BE-ja po harton gjithashtu një "plan B" për të ruajtur sanksionet ekonomike ndaj Rusisë në rast se administrata Trump tërhiqet nga negociatat e paqes në Ukrainë dhe lëviz për të rivendosur lidhjet me Moskën. Plani A, sipas Kallas, mund të kërcënohet nga Hungaria, e cila mund të bllokojë zgjatjen e sanksioneve ekonomike të BE-së në korrik.

Diplomatja më e lartë e BE-së tha se qëllimi kryesor është ende të mbajë të gjitha vendet e BE-së të bashkuara.

"Por është gjithashtu një shpresë e rreme, sepse nëse shikoni Rusinë që po investon më shumë se 9 për qind të PBB-së së saj në ushtri, ata do të duan ta përdorin atë përsëri",-tha Kallas.

Kallas tha se BE-ja mund ta ndihmojë Ukrainën financiarisht, por pranoi se do të ishte shumë më e vështirë të zëvendësohej mbështetja ushtarake amerikane./CNA





Lajmet e fundit nga