web counter
LEXO PA REKLAMA!

SHKARKO APP

App Store
Google Play

Para seancës në Kosovë/ Kurti thërret për konsultime Memli Krasniqin e Lumir Abdixhikun

30 Prill 2025, 20:56, Kosova & Bota CNA

Para seancës në Kosovë/ Kurti thërret për konsultime

Kryeministri i Kosovës, Albin Kurti, ka ftuar në takim kryetarin e Partisë Demokratike të Kosovës, Memli Krasniqi dhe atë të Lidhjes Demokratike të Kosovës, Lumir Abdixhiku, pas dëshimit për të disatën herë të seancave konstituive në Kuvendin e Kosovës.

Në letër, Kurti thekson nevojën për zgjedhjen e kryesisë së Kuvendit, përfshirë edhe kryetarin e tij, duke u bazuar në Kushtetutën e Kosovës dhe rregulloren përkatëse.

Ai e fton Abdixhikun që të marrë pjesë në një takim me përfaqësuesit e tre partive kryesore, ku do të marrë pjesë edhe Memli Krasniqi, kryetar i Partisë Demokratike të Kosovës (PDK).

Takimi është caktuar të mbahet të enjten, më 1 maj 2025, nga ora 08:30, në sallën N-204 të Kuvendit të Republikës së Kosovës.

"Duke u bazuar në Kushtetutë, tre nënkryetarë do të jenë nga tri partitë që fituan më së shumti ulëse, andaj ju ftoj për një takim të përbashkët edhe me z. Lumir Abdixhiku, kryetarin e LDK-së, në sallën N-204 te Kuvendit të Republikës se Kosovës, nesër (e enjte), 1 maj 2025, në orën 8:30”, -ka shkruar Kurti./CNA





Lajmet e fundit nga