web counter
LEXO PA REKLAMA!

SHKARKO APP

App Store
Google Play

E fundit!

x

Planifikim për sulm terrorist/ Anulohen koncertet e Taylor Swift në Vjenë

8 Gusht 2024, 09:00, Kosova & Bota CNA
Planifikim për sulm terrorist/ Anulohen koncertet e Taylor Swift në
Taylor Swift

Tri koncertet e ardhshme të Taylor Swift në Vjenë janë anuluar pas një kërcënimi të mundshëm për ndonjë sulm. Shfaqjet, pjesë e turneut të Swift Eras, do të mbaheshin të enjten, të premten dhe të shtunën në stadiumin Ernst Happel.

Të mërkurën, dy persona u arrestuan me dyshimin se planifikonin sulme terroriste në këtë event të rëndësishëm muzikor. 

Në një deklaratë nga organizatorët tha: "Për shkak të konfirmimit nga zyrtarët qeveritarë për një sulm të planifikuar terrorist në stadiumin Ernst Happel, ne nuk kemi zgjidhje tjetër veçse të anulojmë tri shfaqjet e planifikuara për sigurinë e të gjithëve."

Më herët, drejtori i Përgjithshëm për Sigurinë Publike të Austrisë, Franz Ruf, tha se një shtetas austriak 19-vjeçar u arrestua të mërkurën në mëngjes në Ternitz në provincën e Austrisë së Poshtme. Sipas tij, arrestimi i dytë ndodhi në Vjenë pasdite, por nuk dha detaje të mëtejshme për të dyshuarin.

Kancelari austriak, Karl Nehammer, u shpreh në një postim në "X" se anulimet do të ishin një "zhgënjim i hidhur për të gjithë fansat", por situata ka qenë "shumë serioze".

"Falë bashkëpunimit intensiv të policisë sonë dhe agjencive të sigurisë me shërbimet e huaja, u njoftuan më herët për sulmin. U parandalua një tragjedi", u shpreh ai./CNA





Lajmet e fundit nga