web counter
LEXO PA REKLAMA!

SHKARKO APP

App Store
Google Play

Për herë të parë një kryeministër shqiptar në RMV/ Talat Xhaferi betohet sot para Kuvendit

28 Janar 2024, 11:52, Kosova & Bota CNA
Për herë të parë një kryeministër shqiptar në
Talat Xhaferri

Kuvendi i Maqedonisë së Veriut do të zgjedhë sot Qeverinë teknike me kryeministër të mandatuar Talat Xhaferin.

Seanca në Kuvend pritet të fillojë në orën 11:00, e cila do të ketë vetëm këtë rend dite.

Talat Xhaferi si kryeministër i mandatuar i ka dorëzuar në Kuvend emrat e kabinetit me të cilin do të udhëheqë, përfshirë edhe programin qeverisës.

Zëvendëskryeministri i parë në Qeverinë e Maqedonisë së Veriut, Artan Grubi, nëpërmjet një postimi në "Facebook" ka zbuluar emrat të cilët do të jenë pjesë e kabinetit të kryeministrit të parë shqiptar.

Emrat e propozuar nga BDI-ja për kabinetin qeveritar teknik janë Artan Grubi - ministër për Sistemin politik dhe marrëdhënie ndërmjet bashkësive, Bujar Osmani - ministër i Punëve të Jashtme, Fatmir Besimi - ministër i Financave, Jeton Sheqiri - ministër i Arsimit dhe Shkencës.

Ndërsa zëvendësministër i Arsimit është propozuar Agim Nuhiu, zëvendësministër i Transportit dhe Lidhjeve Bekim Rexhepi dhe zëvendësministër i Punëve të Brendshme, Nazim Bushi./ CNA





Lajmet e fundit nga