web counter
LEXO PA REKLAMA!

SHKARKO APP

App Store
Google Play

E fundit!

x

Trump dënohet për shpifje/ Do t'i japë 83.3 milionë dollarë dëmshpërblim shkrimtares Carroll

27 Janar 2024, 08:56, Kosova & Bota CNA
Trump dënohet për shpifje/ Do t'i japë 83.3 milionë
Donald Trump

Një juri e Nju Jorkut ka vendosur që Donald Trump duhet t'i paguajë 83.3 milionë dollarë shkrimtares Jean Carroll për komente diskretituese ndaj saj, gjatë kohës që ishte president, në vitin 2019, raporton BBC.

Gjatë hetimeve u zbulua se Trump kishte shpifur ndaj zonjës Carroll, pasi e kishte sulmuar seksualisht atë në vitet 1990. 

Zonja Carroll paditi zoti Trump për dëmtim reputacioni, duke e quajtur atë gënjeshtare, pasi ajo e akuzoi për përdhunim dekada më parë. Rastin,  Carroll e publikoi në një libër me kujtime, në të cilin shkruante se në vitin 1996, Trump e përdhunoi në një dyqan luksoz të qytetit të Nju Jorkut.

“Kjo është një fitore e madhe për çdo grua që ngrihet në këmbë kur rrëzohet dhe një disfatë e madhe për çdo dhunues që është përpjekur të mbajë një grua poshtë”, tha Carroll në një deklaratë.

Avokati i saj, Robbie Kaplan, tha në një deklaratë: “Vendimi i sotëm dëshmon se ligji vlen për të gjithë në vendin tonë, madje edhe për të pasurit, madje edhe për të famshmit, madje edhe për ish-presidentët”.

Por pas vendimit, Trump u përmbajt nga sulmi i drejtpërdrejtë ndaj saj kur kritikoi rezultatin e çështjes në një postim në platformën e tij të mediave sociale, Truth Social.

"Unë nuk jam plotësisht dakord me të dy verdiktet dhe do të apeloj gjithë këtë gjueti shtrigash të drejtuar nga Biden, i fokusuar tek unë dhe Partia Republikane", u shpreh ai./CNA 

 





Lajmet e fundit nga