web counter
LEXO PA REKLAMA!

SHKARKO APP

App Store
Google Play

Parisi përkrah Kosovën për anëtarësimin në BE/ Kërkon vazhdimin e reformave

17 Dhjetor 2022, 20:22, Kosova & Bota CNA

Parisi përkrah Kosovën për anëtarësimin në BE/

Franca mbështet aplikimin e Kosovës për anëtarësim në Bashkimin Evropian, ndërsa bën thirrje që vendi të vazhdojë me reforma.

Në një interviste për mediat në Kosovë, ministrja e Jashtme e Francës ka deklaruar se “Franca mbështet perspektivën evropiane të Kosovës, ashtu sikurse edhe të vendeve të tjera të Ballkanit Perëndimor”.

Franca i bëri thirrje Kosovës “që të vazhdojë reformat e nevojshme për afrimin e saj drekt rrugës europaine, veçanërisht në fushën e sundimit të ligjit dhe mbrojtjen e personave që u përkasin pakicave. Franca do të vazhdojë të mbështesë përpjekjet në këtë drejtim”.

Më tej, në komunikatën e MPJ-së franceze, i kërkohet Kosovës, sikurse edhe Serbisë, që të angazhohen “me përgjegjësi dhe konstruktivitet në dialog me synimin e normalizimit të marrëdhënieve ndërmjet Beogradit dhe Prishtinës”.

Ky, thotë Franca, “është kusht thelbësor për afrimin evropian të dy vendeve dhe stabilitetin e të gjithë rajonit”.

Kryeministri i Kosovës, Albin Kurti, i dorëzoi të enjten Çekisë – vendit që aktualisht kryeson Presidencën e Bashkimit Evropian – aplikimin e Kosovës për anëtarësim në BE.

Kurti ka thënë më pas se sikur pesëshja e mosnjohëse e BE-së ta ndryshonte qëndrimin, do të ndihmonte në procesin e anëtarësimit të Kosovës në familjen evropiane.

Aplikimin e Kosovës për anëtarësim në BE e kanë mbështetur edhe vende tjera evropiane./ CNA.al

 

 

 

 

 

 

 

 





Lajmet e fundit nga