Skandal në Londër/ Deputetët e Mbretërisë së Bashkuar gjatë udhëtimeve të punës, angazhohen në turizëm seksual

16 Dhjetor 2022, 22:11, Kosova & Bota CNA

Skandal në Londër/ Deputetët e Mbretërisë së

Foto Ilustruese

Një numër ligjvënësish britanikë kanë përdorur udhëtimet parlamentare jashtë vendit si një mundësi për përdorimin e fshehtë të punonjësve të seksit dhe për pirjen e tepruar të pijeve alkoolike.

Denoncimi ka ardhur nga deputetët, kolegët e tyre dhe zyrtarëve diplomatikë dhe parlamentarë, raporton POLITICO.

Një ish-deputet konservator, tani anëtar i Dhomës së Lordëve, ka kerkuar udhëzime për në bordellon më të afërt kur ai udhëtoi në Azinë Juglindore për një vizitë me një grup parlamentar gjithëpartiak, sipas një parlamentari tjetër që ishte i pranishëm.

Një tjetër deputet konservator dhe ish-ministër ka vijuar të rrijë në një bar edhe pasi kolegët e tij ishin kthyer në shtë "duke shijuar dhe duke treguar interesin e tij për gratë vendase", thanë dy ish kolegë.

"Ai tregoi një interes për vajzat e reja të bukura," tha një. “Ai qëndroi në mënyrë rutinore pas këtyre vizitave dhe u lidh me vajza të reja në vendin në fjalë.”

Një deputet i lartë laburist shfaqi një dashuri për "vajzat ruse" gjatë udhëtimeve jashtë shtetit, sipas një diplomati të huaj, i cili tha se zyrtarët vendas ndiheshin të pafuqishëm për të ndërhyrë sepse shqetësoheshin për ruajtjen e ndikimit të tyre në Westminster.

Politico raportin se zyrtarët ishin dehur, dhe kishin shfaqur një sjellje të shthurur ose seksuale.

Deputetë të shumtë pohuan se ndërsa disa kolegë po ndiqnin në heshtje një interes të vërtetë dhe të vlefshëm në marrëdhëniet me këto vende, të tjerë i trajtuan udhëtimet si "të këndshme" për qëllime rekreative.

Deputetë kishin marrë pjesë në ahengje të organizuara nga përfaqësues diplomatikë në të cilat të rinjtë dhe të rejat "furnizoheshin" me qëllim të përfshirjes në aktivitete seksuale.

Disa deputetë u kishin kërkuar qeverive të huaja udhëtime me shpenzime ë paguara, ku kerkesat e tyre kishin arritur deri në pikën ku donin edhe pije alkoolike dhe ushqime të shtrenjta.

Përfaqësuesit jashtë shtetit janë bërë të kujdesshëm ndaj qasjeve të tilla, ku tashmë janë rishikuar edhe agjendat e deputetëve, duke planifikuar sa më shumë vizita dhe takime të jetë e mundur për të reduktuar "kohën e lirë" për sjellje të pahijshme të mundshme.

Në një vizitë të veçantë të komisionit në një vend evropian të afërt, tre deputetë nuk arritën të shkonin në një takim mëngjesi të organizuar nga ambasada pasi kishin pirë shumë një natë më parë. Në të njëjtin udhëtim, një deputet konservator ngriti zërin ndaj një anëtari të stafit diplomatik.

Ish-deputeti laburist Christian Matheson u detyrua të tërhiqej muajin e kaluar pasi një ankesë për sjellje të pahijshme seksuale u miratua kundër tij. Një ish-anëtar i stafit të tij pretendoi se ai e kishte ftuar atë në një udhëtim të fshehtë në Gjibraltar, për të cilin paneli i pavarur për sjelljen e deputetëve zbuloi se ishte i motivuar seksualisht. Matheson mohoi pretendimet kundër tij dhe nuk ka asnjë sugjerim se ai është përfshirë në ndonjë sjellje të papërshtatshme, përveç ankesës së mbështetur.

Gjibraltari ka qenë në qendër të akuzave të mëparshme për sjellje të pahijshme, pasi dy deputetë të opozitës u akuzuan se ishin dehur rëndë në një vizitë të organizuar nga Skema Parlamentare e Forcave të Armatosura. Ata hodhën poshtë pretendimet si "njolla konservatore"./CNA.al Burimi: Politico.