web counter
LEXO PA REKLAMA!

SHKARKO APP

App Store
Google Play

Lista Srpska: Nëse përdorin dhunë për të hequr barrikadat, do marrin përgjigjen e merituar

17 Dhjetor 2022, 18:18, Kosova & Bota CNA

Lista Srpska: Nëse përdorin dhunë për të hequr

Ministri i Brendshëm, Xhelal Sveçla në një intervistë të dhënë më herët ka thënë se institucionet e Kosovës i kanë të gjitha kapacitetet për largimin e barrikadave serbe.

Lidhur me këto deklarata ka pasur një reagim nga Lista Srpska, e cila ka konsideruar pjesëmarrjen e Sveçlës në Bërnjak një provokim duke ndikuar kështu në përkeqësimin e mëtejshëm të situatës.

Srpska deklaropi se nëse njësitë e Kurtit tentojnë të përdorin dhunën për të hequr barrikadat, do të marrin përgjigjen që meritojnë nga populli serb.

“Ai e di shumë mirë se nuk ka ardhur në komunat serbe në veri të Kosovës dhe as s’ka çfarë të kërkojë në rajonet tona. Theksojmë se populli serb është i përkushtuar për paqen në këto zona dhe deklaratat e Sveçlës se është i gatshëm të vazhdojë të përdorë dhunën dhe të heqë barrikadat me dhunë janë në favor të përkeqësimit të mëtejshëm të situatës. Ne do të bëjmë gjithçka që ta ruajmë paqen dhe popullin tonë nga sulmi nga Prishtina, por nëse njësitë e Kurtit tentojnë të përdorin dhunën për të hequr barrikadat, do të marrin përgjigjen e popullit serb që e meritojnë”, thuhet në deklaratën e Listës Srpska./ CNA.al

 





Lajmet e fundit nga