web counter
LEXO PA REKLAMA!

SHKARKO APP

App Store
Google Play

Papa Françesku emëron 21 kardinalë të rinj

29 Maj 2022, 17:37, Kosova & Bota CNA
Papa Françesku emëron 21 kardinalë të rinj
Papa Françesku

Papa Françesku njoftoi ditën e sotme se do të emërojë 21 kardinalë të rinj në gusht, duke përfshirë një italian që drejton kishën në Mongoli, për të “siguruar të ardhmen e katolicizmit”.

Nga 21 kardinalë, 16 janë elektorë kardinalë nën moshën 80 vjeç dhe kështu kanë të drejtë të hyjnë në një konklavë për të zgjedhur pasardhësin e tij pas vdekjes ose dorëheqjes së tij, raporton "Reuters".

Pas ceremonisë së 27 gushtit për instalimin zyrtar të tyre, të njohur si konsistory, Françesku do të ketë emëruar rreth 83 nga 133 elektorë kardinalë, duke rritur mundësinë që pasardhësi i tij të jetë një njeri që pasqyron pozicionin e tij për çështjet kyçe.

Zgjedhësit e rinj përfshijnë kryepeshkopin Giorgio Marengo, një italian që aktualisht është administrator i Kishës Katolike në Mongoli. Vendi kufizohet me Kinën, ku Vatikani po përpiqet të përmirësojë situatën për katolikët.

Zgjedhës të tjerë kardinalë vijnë nga Franca, Nigeria, Brazili, India, Shtetet e Bashkuara, Timori Lindor, Italia, Gana, Singapori dhe Paraguai.

Papa Françesku kaloi mbi kryepeshkopët e qyteteve të mëdha që tradicionalisht kishin kardinalë përpara zgjedhjes së tij në 2013-ën, duke preferuar të emëronte burra në vende të largëta ku Kisha është e vogël ose në rritje./euronews





Lajmet e fundit nga