E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Zelenski e cilëson Rusinë shtet të terrorit

29 Maj 2022, 10:58, Kosova & Bota CNA

Zelenski e cilëson Rusinë shtet të terrorit

Presidenti i Ukrainës Volodimir Zelenski

Presidenti ukrainas, Zelenski, e ka akuzuar Rusinë për politikë të terrorit. "Unë do t'ia kujtoj gjithmonë botës, se Rusia më në fund zyrtarisht duhet të njihet si shtet terrori, si nxitëse e terrorizmit", tha Presidenti ukrainas në një fjalim me video në Kiev. Ky përcaktim reflekton realitetin e përditshëm, që Rusia ka krijuar me sulmin e saj kundër Ukrainës dhe do që ta "çojë shumë më tepër drejt Europës". Zelenski theksoi se "kjo duhet të pranohet ligjërisht".

Presidenti rus Vladimir Putin

Zelenski është shprehur se në fillim të javës do t'u drejtohet anëtarëve të samitit të BE-së në Bruksel dhe do të flasë për "terrorin, që sot vërtet është bërë e vetmja mënyrë e veprimit të shtetit rus kundër Europës. "Terror në Ukrainë, terror në tregun e energjisë në Europë, jo vetëm në vendin tonë. Terror në tregun e artikujve ushqimorë, madje në të gjithë botën". Vetëm së bashku europianët mund ta ndalin politikën e një shteti të tillë, theksoi Zelenski.

Presidenti i Francës Emanuel Macron dhe kancelari gjerman Olaf Scholz

Presidenti rus ka paralajmëruar Gjermaninë nga dërgimi i armëve të tjera në Ukrainë. Në një bisedë telefonike mes kancelarit gjerman, Olaf Scholz, Presidentit francez, Emmanuel Macron dhe Presidentit Putin të shtunën, kreu i Kremlinit është shprehur, se dërgimi i armëve të tjera është "i rrezikshëm". Sipas tij ekziston rreziku që në Ukrainë "situata të destabilizohet më tej dhe të ashpërsohet kriza humanitare". Putini kërkoi sërish heqjen e sanksioneve në këmbim të eksporteve të grurit.

Sipas zyrës së kancelarit gjerman me Putinin është biseduar 80 minuta, një bisedë që erdhi me iniciativë të Scholz-it dhe Presidentit Macron. Si kancelari gjerman edhe Presidenti Macron kanë kërkuar edhe një herë një armëpushim të menjëhershëm dhe tërheqjen e trupave rus. Më tej, ata i bënë thirrje Putinit për negociata të drejtpërdrejta me presidentin ukrainas, Zelenski.

Sipas njoftimit zyrtar të Parisit, Gjermania dhe Franca kanë kërkuar edhe lirimin e 2500 luftëtarëve që kanë mbrojtur kombinatin e çelikut Azov në Mariupol./dw