web counter
LEXO PA REKLAMA!

SHKARKO APP

App Store
Google Play

E fundit!

x

Papa Françesku do të takohet me të afërmit e pengjeve izraelite dhe një delegacion palestinezësh

17 Nëntor 2023, 18:51, Kosova & Bota CNA

Papa Françesku do të takohet me të afërmit e pengjeve

Papa Françesku pritet të takohet javën e ardhshme me të afërmit e pengjeve izraelitë të mbajtur nga Hamasi dhe, veçmas, me një delegacion palestinez që do të përfshijë disa banorë të Gazës, thanë sot burime nga Vatikani.

Të dyja këto takime do të zhvillohen të mërkurën e ardhshme, sipas burimeve që folën për Reuters.

Sipas një burimi, 12 të afërm të pengjeve do të takohen me Françeskun herët në mëngjes të mërkurën, përpara audiencës së rregullt javore të Papës. Disa prej tyre u takuan gjithashtu me zyrtarë të qeverisë italiane muajin e kaluar.

Për momentin nuk është përcaktuar se kur do të zhvillohet takimi me delegacionin palestinez.

Më parë, kardinali Pietro Parolin, "numri 2" i Selisë së Shenjtë tha se besonte se lirimi i pengjeve dhe një armëpushim, të cilin Izraeli aktualisht po e përjashton, janë dy qëllimet kryesore për zgjidhjen e krizës. Parolin konfirmoi takimin e Papës me familjet e pengjeve, por nuk dha një orar të qartë./ CNA





Lajmet e fundit nga