web counter
LEXO PA REKLAMA!

SHKARKO APP

App Store
Google Play

E fundit!

x

Orkat vijojnë me aksionin/ Fundosin jahtin me vela në ngushticën e Gjibraltarit

15 Maj 2024, 09:58, Kosova & Bota CNA
Orkat vijojnë me aksionin/ Fundosin jahtin me vela në ngushticën
Okrat

Një numër i madh orkash kanë fundosur një jaht me vela pasi e kanë përplasur atë në ujërat marokene në ngushticën e Gjibraltarit, njoftoi të hënën shërbimi i shpëtimit detar i Spanjës, një sulm i ri në atë që është bërë trend në katër vitet e fundit.

Anija Alboran Cognac, e cila kishte një gjatësi prej 15 metrash dhe mbante dy persona, u ndesh me grabitqarët në orën 9:00 të mëngjesit me kohën lokale të së dielës, njoftuan autoritetet, raporton "CNN". 

Pasagjerët raportuan se kishin ndier goditje të papritura përpara se uji të fillonte të depërtonte në anije. Pasi lajmëruan shërbimet e shpëtimit, një anije aty pranë i mori në bord dhe i transportoi në Gjibraltar.

Incidenti është shembulli i fundit i përplasjeve të përsëritura të orkave rreth ngushticës së Gjibraltarit që ndan Evropën nga Afrika dhe jashtë brigjeve të Atlantikut të Portugalisë dhe Spanjës veriperëndimore.

Studiuesit nuk janë të sigurt për shkaqet e sjelljes, me teoritë kryesore që përfshijnë atë një manifestim lozonjar të kuriozitetit të gjitarëve, një modë sociale ose synimin e qëllimshëm të asaj që ata e perceptojnë si konkurrent për gjahun e tyre të preferuar. 

Edhe pse njihen si balenat vrasëse, orkat e rrezikuara janë pjesë e familjes së delfinëve. Ata kanë një gjatësi prej tetë metrash dhe peshojnë deri në gjashtë tonë./CNA 





Lajmet e fundit nga