web counter
LEXO PA REKLAMA!

SHKARKO APP

App Store
Google Play

Kush është i burgosuri që u arratis në Francë/ Skema si nëpër filma

15 Maj 2024, 09:44, Kosova & Bota CNA
Kush është i burgosuri që u arratis në Francë/ Skema si
Mohamed Amra

Mohamed Amra, i burgosuri që u arratis nga një furgon burgu në Francë, thuhet se ka lidhje me një bandë në qytetin jugor të Marsejës.

E njohur si "The Fly", Amra po dërgohej nga gjykata në një burg në qytetin e Rouen pranë Parisit të martën kur një makinë përplasi furgonin e burgut në një kabinë dhe njerëz të armatosur hapën zjarr. Dy efektivë policie u vranë.

Prokurorët thonë se 30-vjeçari ishte dënuar për vjedhje në 10 maj dhe gjithashtu ishte paditur nga prokurorët në Marsejë për një rrëmbim që çoi në vdekje.

Ai po mbahej në burgun Val de Reuil, pranë Rouen-it dhe thuhet se ishte paraqitur në një gjykatë aty pranë në lidhje me akuzat e reja.

Avokati i tij, Hugues Vigier, tha se Amra kishte bërë tashmë një tentativë arratisjeje në fundjavë duke sharruar hekurat e qelisë së tij, por tha se ishte i tronditur nga dhuna "e pafalshme dhe e çmendur".

Nëna e Amrës u shpreh se ai nuk i kishte dhënë asnjë shenjë asaj se do të përpiqej të arratisej.

Mohamed Amra ka pasur 13 dënime të mëparshme për kundërvajtje kryesisht të lehta. 

Megjithatë implikimi i tij në vdekjen e një burri nga Dreux afër Rouen-it, i cili u rrëmbye në Marsejë në akte të lidhura me trafikun e drogës sugjeron përfshirjen me kriminelë./CNA 





Lajmet e fundit nga