web counter
LEXO PA REKLAMA!

SHKARKO APP

App Store
Google Play

Ngjarja në veri të Kosovës/ Dritan Abazoviç nuk ka bërë ende asnjë deklaratë!

2 Gusht 2022, 18:38, Kosova & Bota CNA
Ngjarja në veri të Kosovës/ Dritan Abazoviç nuk ka
Kryeministri i Malit të Zi, Dritan Abazoviç

Për situatën në veriun e Kosovës ka pasur reagime në Europë dhe përtej Oqeanit Atlantik, ka reaguar edhe Federata Ruse e Bjellorusia, por jo edhe kryeministri shqiptar i Malit të Zi, Dritan Abazoviç.

Të dielën Kosova e Serbia u përfshinë në tensione kur po afronte afati për hyrjen në fuqi të vendimeve të qeverisë për reciprocitet në targa dhe dokumente. Derisa Kosova u shfaq e vendosur për t’i çuar përpara vendimet e saj,  Aleksandër Vuçiç që nxiti serbët lokalë të vendosin barrikada nëpër rrugët që çojnë në pikat kufitare, Jarinje dhe Bërnjak.

Dje reagoi Kryeministri i Shqipërisë Edi Rama, sot Maqedonia e Veriut, por nuk pati reagim nga  Kryeministri Abazoviç.

Këto vendime të reciprocitetit po dalin të jenë në koordinim me bashkësinë ndërkombëtare.

Abazoviç kohëve të fundit ka tentuar të rregullojë raportet me Serbinë dhe Kishën Ortodokse Serbe – një kontest shekullor mes popullit të Serbisë dhe atij malazez – që në thelb ka edhe  çështjen identitare mes këtyre popujve.

Rreth kësaj presidenti i Malit të Zi, Milo Gjukanoviç ka shprehur kundërshtim. /Express





Lajmet e fundit nga