LEXO PA REKLAMA!

SHKARKO APP

Kievi jep alarmin/ "Moska po përgatitet për të sulmuar qytetet e Ukrainës jugore"

2 Gusht 2022, 10:07, Kosova & Bota CNA

Kievi jep alarmin/ "Moska po përgatitet për të sulmuar

Dhjetëra mijëra trupa rus po përgatiten për të përparuar në qytetet Kriviy Rih dhe Mykolaiv në Ukrainën jugore, tha këshilltari presidencial, Oleksiy Arestovych, derisa Moska goditi rajonin e Dnipropetrovskut me raketa dhe SHBA-ja njoftoi për ndihmë të re ushtarake për Kievin.

Arestovych tha se forcat sulmuese ruse numëronin rreth 22.000 ushtarë dhe se një kontigjent "mjaft i madh" ukrainas po qëndronte në pritë.

Kreu i administratës ushtarake të rajonit Dnipropetrovskut, Valentyn Reznichenko, raportoi se trupat ruse qëlluan me raketahedhës dhe artileri në rrethet e qyteteve Sinelnykivsky dhe Kryvorizky të rajonit Dnipropetrovsk.

"Armiku goditi Synelnykovskiy me një raketë kundërajrore. Në Pokrovska hromada ka shkatërrim të banesave e makina të dëmtuara", shkroi ai në "Telegram".

Mëngjesin e 2 gushtit shpërthime të fuqishme sërish synuan qytetin-port të Mykolayvit në Detin e Zi dhe një person u plagos, tha kryebashkiaku i qytetit, Oleksandr Sienkovych.

Zyra e Komisionerit të Lartë të OKB-së për të Drejtat e Njeriut (OHCHR) tha se 5.327 civilë u vranë dhe 7.257 u plagosën në Ukrainë që nga fillimi i pushtimit rus.

Shtetet e Bashkuara të Amerikës njoftuan më 1 gusht se do të ofrojnë ndihmë të re ushtarake për Ukrainën, duke përfshirë sisteme raketash artilerie me lëvizshmëri të lartë, HIMARS.

Zyrtarët ukrainas thanë se përdorimi i këtyre sistemeve të prodhimit amerikan ka qenë thelbësor për t'i zmbrapsur forcat ruse dhe për t'i sulmuar linjat e tyre të furnizimit.

“Paketa e re prej 550 milionë dollarësh do të përfshijë më shumë HIMARS”, u tha gazetarëve në Shtëpinë e Bardhë, zëdhënësi i Këshillit të Sigurisë Kombëtare, John Kirby.

Që kur presidenti Joe Biden mori detyrën, kjo e çon vlerën e përgjithshme të ndihmës ushtarake të dhënë për Ukrainën në më shumë se 8 miliardë dollarë.

HIMARS janë sisteme me rreze të gjatë veprimi dhe janë më precize sesa artileria e kohës sovjetike që Ukraina ka në arsenalin e saj.

Kjo ndihmë erdhi pas telefonatës së Sekretarit të Mbrojtjes, Lloyd Austin me ministrin ukrainas të Mbrojtjes, Oleksiy Reznikov më 29 korrik, në të cilën ai parashikoi planet për të ardhmen të ndihmës për sigurinë.

Serkretari amerikan i Shtetit, Antony Blinken, tha se Rusia po përdorte termocentralin më të madh bërthamor të Ukrainës në Zaporizhzhya si një "mburojë bërthamore" duke vendosur trupa atje dhe kështu duke parandaluar forcat ukrainase të kthenin zjarrin do të mund të rrezikonin një aksident të tmerrshëm bërthamor.

Blinken tha se Uashingtoni ishte "thellësisht i shqetësuar" që uzina e Zaporizhzhya, ndaj të cilës Rusia u akuzua për gjuajtje me predha në mënyrë të rrezikshme në mars, ishte tani një bazë ushtarake ruse e përdorur për të qëlluar mbi forcat ukrainase aty pranë./REL

Lajmet e fundit nga