web counter
LEXO PA REKLAMA!

SHKARKO APP

App Store
Google Play

Ndalohet përdorimi i flamujve rusë dhe bjellorusë në Australian Open

17 Janar 2023, 10:17, Kosova & Bota CNA

Ndalohet përdorimi i flamujve rusë dhe bjellorusë në

Flamujt rusë dhe bjellorusë janë ndaluar në turneun e tenisit Australian Open, pas një incidenti në fushën e lojës.

Fillimisht spektatorëve u është mundësuar përdorimi i flamujve, me kushtin që nuk e pengojnë lojën.

Mirëpo organizatorët e kanë ndryshuar këtë vendim të martën, pasi tifozët janë parë me një flamur rus në garën mes tenistes ukrainase, Kateryna Baindl dhe ruses, Kamilla Rakhimova.

Ndalesa ka hyrë në fuqi menjëherë.

“Ne do të vazhdojmë të punojmë me lojtarët dhe tifozët tanë, për të siguruar ambientin më të mirë të mundshëm për të shijuar tenisin”, kanë thënë organizatorët përmes një deklarate.

Tifozët ukrainas e kanë telefonuar policinë dhe zyrtarët e sigurisë në rundin e parë të garës, duke pretenduar se tifozët rusë, e kanë “tallur” Baindlin.

Atletëve rusë dhe atyre bjellorusë u është ndaluar gara me flamujt e shteteve të tyre në disa sporte, përfshirë tenisin, prej kur ka nisur lufta e Rusisë në Ukrainë, në shkurt të vitit të kaluar.

Bjellorusia, shtet fqinj i Rusisë, e ka përkrahur Moskën në luftën e nisur.

Aktualisht, lojtarët e këtyre shteteve janë duke garuar me një flamur neutral në turneun e tenisit në Australi./REL





Lajmet e fundit nga