web counter
LEXO PA REKLAMA!

SHKARKO APP

App Store
Google Play

Komiteti për monitorim i KE-së, thirrje Malit të Zi për plotësimin e Gjykatës Kushtetuese

15 Janar 2023, 22:02, Kosova & Bota CNA
Komiteti për monitorim i KE-së, thirrje Malit të Zi për
Foto ilustruese

Komiteti për monitorimin e respektimit të detyrimeve që dalin nga anëtarësimi në Këshillin e Europës, u bëri thirrje në raportin e tij, të gjitha subjekteve politike në Mal të Zi, që të zgjedhin pa vonesë gjyqtarët e Gjykatës Kushtetuese.

“Gjykata Kushtetuese tani nuk është në gjendje të funksionojë siç duhet në çështjen e mosmarrëveshjeve zgjedhore” , thuhet në dokument.

Sipas raportit të komisionit, Malit të Zi i kërkohet të zbatojë rekomandimet e Zyrës për të Drejtat e Njeriut dhe Institucionet Demokratike të OSBE-së në lidhje me procesin zgjedhor, para zgjedhjeve të ardhshme presidenciale dhe parlamentare.

Sipas raportit, "zhvillimi i ngjarjeve në luftën kundër korrupsionit duket premtues, pritej që një sërë rastesh të profilit të lartë të ishin një tregues i angazhimit real në luftën kundër korrupsionit."

Raporti i komitetit theksoi gjithashtu se Mali i Zi përjetoi paqëndrueshmëri të konsiderueshme politike në vitin 2022, i cili ishte rezultat i një procesi të vazhdueshëm transformimi pas zgjedhjeve të vitit 2020, të cilat e hoqën Partinë Demokratike Socialiste të presidentit aktual Milo Gjukanoviç nga pushteti për herë të parë në historinë e vendit.

Mali i Zi është përfshirë në raportin e komitetit sepse është ende nën monitorim pasi përmbush detyrimet e tij në Këshillin e Evropës. Mali i Zi është anëtar i Këshillit të Evropës që nga maji i vitit 2007.

Mesazhe të ashpra Malit të Zi iu dërguan nga BE-ja në fund të dhjetorit të vitit të kaluar, kur u njoftua se mund të konsideronte ndërprerjen e negociatave me Malin e Zi në rast të vazhdimit të krizës politike dhe institucionale në vend.

Përfaqësuesit ndërkombëtarë deklaruan se nëse Mali i Zi nuk krijon institucione funksionale dhe nuk zgjedh gjyqtarë të Gjykatës Kushtetuese, Bashkimi Evropian në janar ose shkurt mund të shqyrtojë se si të ndalojë procesin e negociatave./ VOA





Lajmet e fundit nga