web counter
LEXO PA REKLAMA!

SHKARKO APP

App Store
Google Play

NATO “shuan” shpresat e Kosovës/ “Nuk mendoj se jemi në situatë për të folur për anëtarësim”

20 Tetor 2024, 14:48, Kosova & Bota CNA

NATO “shuan” shpresat e Kosovës/ “Nuk mendoj se jemi

Boris Rugge, Ndihmëssekretari i Përgjithshëm i NATO-s, ka thënë se mendon që tani nuk është situata që mund të flitet për anëtarësimin e Kosovës në Aleancën Veriatlantike, NATO.

Ai është shprehur se Kosova deri tani nuk është duke ecur drejt anëtarësimit në Partneritetin për Paqe.

Në një intervistë për mediat kosovare, zyrtari i aleancës theksoi se NATO nuk ka hequr dorë nga mbështetja në dialogun Kosovë-Serbi dhe se janë me shpresë se ky proces do të vazhdojë tutje.

“Nuk mendoj se aktualisht jemi në një situatë kur mund të flasim për anëtarësim. Besoj se kemi aranzhuar një rreth të ri bisedimesh për javën e ardhshme në mes përfaqësuesit special të BE-së për dialogun, Miroslav Lajçak dhe kryenegociatorëve të Kosovës dhe Serbisë. Procesi po vazhdon prej kohësh tashmë dhe e kuptoj se ka frustrime sa i përket kësaj, por politikat tona në NATO na bëjnë ta mbështesim dialogun e lehtësuar nga BE dhe nuk kemi hequr dorë nga shpresa se procesi mund të vazhdojë tutje. Do ta potencoja faktin se të hënën e kësaj jave ne kishim Procesin e Berlinit, i cili u mbajt në Berlin. Njëra prej ngjarjeve ishte avancimi i marrëveshjes për tregti të lirë, tani në tavolinën e CEFTA-s ulet Kosova që e zëvendëson UNMIK-un. Kjo i hapë rrugë një zone ekonomike në Ballkanin Perëndimor që është tejet e rëndësishme sepse asnjë nga vendet e Ballkanit Perëndimor nuk është i madh mjaftueshëm sa të ekzistojë si i vetëm. Keni nevojë për qasje në tregje nga rrugë të ndryshme. Ky është shembulli se si mund të arrihet progresi. Kjo është mënyra si mendoj se do të vazhdojë ky proces”, tha Rugge.





Lajmet e fundit nga