web counter
LEXO PA REKLAMA!

SHKARKO APP

App Store
Google Play

Moti i keq përfshin Bullgarinë/ Dy persona humbin jetën

19 Nëntor 2023, 13:44, Kosova & Bota CNA
Moti i keq përfshin Bullgarinë/ Dy persona humbin jetën
Foto ilustruese

Moti i keq me erëra të fuqishme ka goditur Bullgarinë duke shkatuar dy viktima.

Shirat dhe reshjet e borës shkaktuan ndërprerje të energjisë elektrike dhe bllokuan rrugët në lindje të të dyja shteteve, duke shtyrë Bullgarinë që të shpallë gjendje të jashtëzakonshme në rajonin Varna në Detin e Zi.

Një grua 43-vjeçare ndërroi jetë pasi u godit nga një dru që u rrëzua në Varna mbrëmjen e së shtunës, ndërsa dy persona pjesë e personelit të emergjencës u lënduan po ashtu.

“Moti i keq rezultoi me humbje të jetës. Erërat e fuqishme dhe shirat e rrëmbyeshëm, në disa vende edhe reshje të borës, e bënë shumë të vështirë punën e ekipeve emergjente”, tha kryetari i Varnës, Blagomir Kotsev.

“Furnizimet me energji janë ndërprerë në pesë qarqe të komunës. Rrugët janë bllokuar për shkak të druve që janë rrëzuar”, vijoi më tej ai.

Aeroporti në Varna vazhdon të jetë i hapur, por disa fluturime janë shtyrë apo anuluar. Dy komuna më të vogla në afërsi të Varnës po ashtu kanë shpallur gjendje të jashtëzakonshme të dielën./ CNA





Lajmet e fundit nga