web counter
LEXO PA REKLAMA!

SHKARKO APP

App Store
Google Play

Momentet kur arrestohet autori i plagosjes së kryeministrit sllovak

15 Maj 2024, 16:40, Kosova & Bota CNA
Momentet kur arrestohet autori i plagosjes së kryeministrit sllovak
Momentet kur arrestohet agresori

Mesditën e së mërkurës është plagosur me armë zjarri gjatë një atentati kryeministri sllovak, Robert Fico. 

Ngjarja ndodhi përpara një ndërtese në qytetin qendror të Sllovakisë Handlova, ku ishte mbajtur një mbledhje e qeverisë.

Ai është dërguar menjëherë në spital dhe ende nuk dihet gjendja e tij shëndetësore. Ndërkohë autori është arrestuar nga policia. 

Në fotot e mëposhtme shfaqen momentet e arrestimit të autorit, disa minuta pasi qëlloi me armë zjarri kreun e qeverisë. 

Zyra e Kryeministrisë bën me dije se kryeministri sllovak u "qëllua disa herë dhe aktualisht është në një gjendje të rëndë për jetën" dhe po transportohet me helikopter në qytetin e afërt të Banska Bystrica.

Fico drejton Partinë Populiste të krahut të majtë Smer-SSD dhe fitoi votimin tetorin e kaluar me premtimet për të ndërprerë ndihmën ushtarake për Ukrainën, por mohoi të ishte prorus.

Premtimi i tij për t'u rezistuar sanksioneve perëndimore ndaj Rusisë, bëri që disa shikues ta krahasojnë Fico-n me kryeministrin e djathtë populist të Hungarisë, Viktor Orban. Fico u detyrua të jepte dorëheqjen si kryeministër pas vrasjes së gazetarit investigativ, Jan Kuciak, në 2018./CNA 





Lajmet e fundit nga