Mickoski: Kovaçevski le t'i thotë "jo" propozimit, do të heq dorë nga zgjedhjet e parakohshme

3 Korrik 2022, 21:43, Kosova & Bota CNA
Mickoski: Kovaçevski le t'i thotë "jo" propozimit, do
Hristijan Mickoski

Kryetari i VMRO-DPMNE-së, Hristijan Mickoski, pas takimit me kryeministrin dhe liderin e LSDM-së, Dimitar Kovaçevski, përsëriti se as për të, as për VMRO-DPMNE-në propozimi francez nuk është i pranueshëm dhe nuk do ta pranojnë. Ai tha se në takim ka pasur një ofertë për Kovaçevskin.

“I kam ofruar që të dalë dhe ta refuzojë këtë dhe unë të tërhiqem nga kërkesa për zgjedhje të parakohshme dhe nga bllokada aktive në Parlament. Ai vetëm duhet ta refuzojë propozimin dhe të thotë jo”, u tha Mickoski gazetarëve pas takimit me Kovaçevskin.

Ideja ishte që të ndihmohet Qeveria në tejkalimin e sfidave që do të shfaqen në dimrin e ardhshëm, e më pas në pranverë të ulet dhe të rivlerësojë situatën aktuale.

Gjëja tjetër që ai i ofroi ishte se nëse vërtet besonte se identiteti ishte siguruar në pjesën e konkluzioneve të konferencës së parë ndërqeveritare të fshihen nenet 11 dhe 14 dhe dy pika të Kornizës Negociatore./CNA.al 

Lajmet e fundit nga